Median.Az xəbər verir ki, Suraxanı RPİ 32-ci polis bölməsi əməkdaşlarının keçirdikləri əməliyyat tədbiri nəticəsində noyabrın 7-də rayon ərazisindəki 4 evə quraşdırılmış su sayğaclarını oğurlayan Bakı şəhər sakini Əli Qarayev saxlanılıb.

Bundan başqa, Xəzər RPİ 1-ci polis şöbəsi əməkdaşlarının keçirdikləri əməliyyat tədbirləri nəticəsində sentyabrın 29-da 1 avtomobildən akkumulyator oğurlayan, CM-nin
234-cü (qanunsuz olaraq narkotik vasitələri, psixotrop maddələri əldə etmə, saxlama və ya satma) maddəsi ilə axtarışda olan Hüseyn Zülfüqarov saxlanılıb.

Nəsimi RPİ 21-ci polis bölməsinin əməkdaşları tərəfindən oktyabrın 27-də R.Məmmədovun bank hesabından 600 manat pulunu çıxararaq, oğurlayan Astara rayon sakini
Zeynal Nemətov saxlanılıb.

Qaradağ RPİ 10-cu polis bölməsinin əməkdaşları tərəfindən noyabrın 10-da Lökbatan qəsəbəsi ərazisindəki köşkdən 200 manat pul oğurlayan Cəlilabad rayon sakini olan yeniyetmə saxlanılıb.

Yasamal RPİ 26-cı polis bölməsi əməkdaşlarının keçirdikləri əməliyyat tədbirləri nəticəsində Bakı şəhər sakinləri olan 2 nəfərin velosipedlərini oğurlayan paytaxt sakini, əvvəllər məhkum olunmuş Xəyyam Məmmədov saxlanılıb.

Faktlarla bağlı araşdırma aparılır.скачать dle 11.3