Median.Az xəbər verir ki, noyabrın 3-də Nəsimi rayonu ərazisində 2 naməlum şəxs Qazax rayon sakini Elşən Mehdiyevə zor tətbiq edib 100 manat pulunu alıb.

Nəsimi RPİ 19-cu polis şöbəsi və DİN Əlahiddə Çevik Polis Alayı əməkdaşlarının keçirdikləri əməliyyat tədbirləri nəticəsində Ucar rayon sakini Ayaz Həsənquliyev və Ağdam rayon sakini Hüseyn Ramazanov saxlanılıblar.

Bundan başqa, Nəsimi RPİ 22-ci polis şöbəsi əməkdaşlarının keçirdikləri əməliyyat tədbiri nəticəsində noyabrın 2-də Y.Bobrovanın, içərisində 500 manat, 450 dollar və mobil telefon olan pulqabısını soyğunçuluq yolu ilə ələ keçirən Bakı şəhər sakini, əvvəllər məhkum olunmuş Ruslan Qasımlı saxlanılıb.

Xətai RPİ 37-ci polis şöbəsinin əməkdaşları tərəfindən, noyabrın 2-də rayon ərazisindəki mağazadan açıq talama yolu ilə 200 manat pul aparan Bakı şəhər sakini Vüsal Tağıyev saxlanılıb.

Faktlarla bağlı CM-nin 180-ci (soyğunçuluq) maddəsi ilə cinayət işləri başlanılıb, istintaq gedir.скачать dle 11.3