Tikintisi 6 ildir yarımçıq qalan xəstəxana – Fotolar

Xəzər rayonunun Buzovna qəsəbəsində Professor Gindes adına Respublika Uşaq və Yeniyetmələr üçün Vərəm Xəstəlikləri Sanatoriyasının yeni binasının tikintisi yarımçıq qalıb.

Sanatoriyanın qarşısına vurulan məlumat lövhəsində yeni binanın tikintisinin 2012-ci ilin oktyabr ayında başlanıb, 2014-cü ilin sentyabr ayında başa çatması planlaşdılsa da, sanatoriyanın yeni binasının tikintisi yarımçıq qalıb.

Məsələ ilə bağlı Səhiyyə Nazirliyinin mətbuat xidmətindən bildirildi ki, sorğuya 05.11.2018-ci il tarixində cavab veriləcək.

Xatırladaq ki, bu sanatoriyanın yeni binasının tikintisi ilə əlaqədar Prezidentin sərəncamı ilə 2011-ci il dövlət büdcəsində nəzərdə tutulmuş Prezidentin ehtiyat fondundan Səhiyyə Nazirliyinə 3 milyon manat vəsait ayrılıb.//bizimyol.info