Məktəbdə ölən şagirdlə bağlı yeni - TƏFƏRRÜAT

Xəzər rayonu 26 nömrəli tam orta məktəbdə baş verən ölüm hadisəsi ilə bağlı açıqlama verilib.

Məktəbdən oxu.az-a verilən məlumata görə, oktyabrın 4-ü, saat 18:00-da məktəbin Fiziki tərbiyə müəllimi Əskərov Teymur Ələddin oğlu yaxın qohumu olan Məmmədağa Zeynalov adlı uşağın məktəbə yaxın ərazidə olan poliklinikanın qarşısında halının pisləşdiyini görüb, uşağa yardım etmək məqsədilə məktəbə gətirib.

Uşağa kömək məqsədilə təcili yardım çağırılıb, təəssüf ki, uşaq vəfat edib. Məlum olub ki, uşaq epilepsiya xəstəsidir, əvvəllər ürək əməliyyatı olub. Hadisə ilə bağlı məktəb rəhbərliyinə xəbər verilib, ailə üzvləri dəvət olunub.

Valideynləri uşağın səhhətindəki riskli durumdan məlumatlı olduqlarını bildiriblər.