Median.Az xəbər verir ki, Sumqayıt ŞPİ 1-ci polis bölməsi əməkdaşlarının keçirdikləri əməliyyat-axtarış tədbirləri nəticəsində, sentyabr ayında 5 evdən pul və qızıl əşyalar oğurlayan Corat qəsəbə sakini Süleyman Süleymanlı saxlanılıb.

Bundan başqa, Nizami RPİ-nin əməkdaşları istintaq-axtarış tədbirləri nəticəsində, bu il fevralın 7-dən sentyabrın 28-dək olan müddətdə rayon ərazisindəki 6 həyətyanı sahədən pul,
1 baş qoyun və ev quşları oğurlayan Gəncə şəhər sakini, əvvəllər məhkum olunmuş Eşqin Eyvazovu saxlayıblar, Şəmkir RPŞ əməkdaşlarının əməliyyat tədbirləri ilə sentyabrın 29-da, rayon sakini Ədalət Verdiyevə məxsus fermadan 26 baş qoyun oğurlayan rayon sakini Rövşən İsmayılzadə və Ağdam rayon sakini Tahir Hətəmov saxlanılıblar, Şəmkir RPŞ-nin əməkdaşları tərəfindən sentyabrın 2-də rayon ərazisindəki evdən 1500 manat və 5000 manat dəyərində qızıl əşyalar oğurlayan Dəllər qəsəbə sakini, əvvəllər məhkum olunmuş Pərviz Cəfərov saxlanılıb, Bərdə RPŞ əməkdaşlarının əməliyyat-axtarış tədbirləri nəticəsində sentyabrın 28-də, rayon sakini Nərminə Nəbizadənin həyətyanı sahəsindən 28 ev quşu oğurlayan rayon sakini Etibar Quliyev saxlanılıb, Ağsu RPŞ əməkdaşlarının əməliyyat-axtarış tədbirləri nəticəsində, oktyabrın 1-də rayon sakini C.Qədimovun bank hesabından 210 manat pulunu çıxararaq oğurlayan şəhər sakini Vidadi Qədimov saxlanılıb, Göyçay RPŞ-nin əməkdaşları əməliyyat-axtarış tədbirləri nəticəsində, sentyabrın 30-da kompyuter oyunları salonundan pul, 6 ədəd oyun aparatı, 16 ədəd pult və 1 ədəd noutbuk oğurlayan Sumqayıt şəhər sakini Fərid Hacıyevi saxlayıblar.

Faktlarla bağlı CM-nin 177-ci (oğurluq) maddəsi ilə cinayət işləri başlanılıb.скачать dle 11.3