Bakıda keçirilən cüdo üzrə dünya çempionatında daha bir idmançımız mübarizəni dayandırıb.
Bugünkü mübarizədə yalnız bir idmançımız mübarizəyə qoşulub.
90 kq çəki dərəcəsində mübarizə aparan Məmmədəli Mehdiyev 1/16 finalda belaruslu Viktor Klyavusevə qızıl xal hesabına qalib gəlsə də, 1/8 finalda mübarizəni dayandırıb. O, dünya və Avropa çempionatlarının mükafatçısı olan macarıstanlı Kristian Tota Golden Score-da ipponla uduzub.
Qeyd edək ki, indiyədək yalnız bir idmançımız fəxri kürsüyə çıxa bilib. Bu, 73 kq çəki dərəcəsində bürünc medal qazanmış Hidayət Heydərovdur.
Şahidi olduğunuz hadisələri çəkib bizə göndərin!
Son Əlavə