Qazaxda evdən oğurluq edən Şəmkir sakini saxlanılıb

Median.Az xəbər verir ki, Qazax və Şəmkir RPŞ əməkdaşlarının birgə keçirdikləri əməliyyat-axtarış tədbirləri nəticəsində avqustun 30-da Qazax rayonunun Qarapapaq kəndindəki evdən 63 manat, 50 dollar, habelə 6700 manat dəyərində qızıl əşyalar oğurlayan, əvvəllər məhkum olunmuş Zaur Süleymanov yaşadığı Şəmkir rayonu ərazisində saxlanılıb.

Qazax RPŞ İstintaq bölməsində CM-nin 177.2.3-cü (oğurluq, yaşayış sahəsinə qanunsuz daxil olmaqla törədildikdə) maddəsi ilə cinayət işi başlanılıb.