Azərbaycanlıları başqasının evinə qeydiyyata salanı həbs gözləyir
Median.Az xəbər verir ki, bununla bağlı Rusiya KİV məlumat yayıb.
İndi 39 yaşlı tümenlini üç ilədək həbs cəzası gözləyir.
Tümen rayon prokurorluğu müəyyən edib ki, 2018-ci il iyulun 5-dən 21-dək yerli sakin miqrasiya idarəsinə üçotaqlı evə 61 miqrantın gəlməsi ilə bağlı məlumat verib.
Məlumatlara görə, miqrantlar Azərbaycan, Qırğızıstan, Qazaxıstan, Tacikistan və Özbəkistandan olublar.
Faktla bağlı Tümen sakini barəsində Rusiya ərazisində qanunsuz uçota salma maddəsi ilə cinayət işi başlanılıb.
Əməli sübuta yetirilərsə, onu üç ilədək həbs cəzası və 500 min rubl (təxminən 7200 dollar – red.) məbləğində cərimə gözləyir.
