“Dedilər beyninə hava getməyib” – Doğulduqdan 1 saat sonra ölən körpənin nənəsi danışdı – VİDEO

Ağsu Rayon Mərkəzi Xəstəxanasında uşaq ölümü baş verib.

ARB TV xəbər verir ki, rayon sakini 27 yaşlı Çinarə Nəbiyevanın övladı təbii doğuşla dünyaya gəldikdən sonra ağır anlar yaşanılıb.

Uşaq doğulduqdan 40-50 dəqiqə sonra dünyasını dəyişib

Qadının həyat yoldaşı bildirib ki, Çinarə Nəbiyeva müayinə üçün bir neçə gün müntəzəm olaraq xəstəxanaya aparılıb. Həkimlər uşağın ana bətnində normal olduğunu deyiblər.

Şamama Mahmudova – Uşağın nənəsi: "Uşaq doğulandan 40-50 dəqiqə sonra öldü. Mən təkidlə dedim ki, gedim uşaga baxım. Gördüm burnuna nəsə qoşublar. Amma uşağın rəngi çox da qaralmamışdı. Dedilər beyninə hava getməyib. Ürək döyüntüsünün olduğunu da dedilər. Üstündən 10-15 dəqiqə keçdi, dedilər ki, uşaq ölüb. Başım çıxmır, niyə belə oldu”.

Faktla bağlı rayon prokurorluğuna müraciət edilib.скачать dle 11.3

Şahidi olduğunuz hadisələri çəkib bizə göndərin!