Median.Az xəbər verir ki, Nəsimi RPİ 22-ci polis şöbəsinin əməkdaşları tərəfindən avqustun 7-də, rayon ərazisindəki 2 avtomobildən mobil telefon oğurlayan Bakı şəhər sakini, əvvəllər məhkum olunmuş Anar Hüseynov saxlanılıb, cinayətdə iştirak edən daha bir nəfərin şəxsiyyəti isə müəyyən edilib.
Bundan başqa, Nəsimi RPİ 22-ci polis şöbəsinin əməkdaşları iyulun 29-da marketlərdən birinin kassasından 500 manat pul oğurlayan Yevlax rayon sakini, əvvəllər məhkum olunmuş Seymur Əsədovu saxlayıblar, Nəsimi RPİ 20-ci polis bölməsinin əməkdaşları tərəfindən, fevralın 25-də avtomobildən akkumulyator oğurlayan Mingəçevir şəhər sakini Mustafa Sarıyev saxlanılıb, Xəzər RPİ 1-ci polis şöbəsinin əməkdaşları keçirdikləri əməliyyat tədbirləri nəticəsində, iyulun 31-də rayon ərazisindəki evlərin birindən 720 metr elektrik naqili və 192 ədəd elektrik qoruyucusu oğurlayan Bakı şəhər sakini Nicat Əliyevi saxlayıblar.
Faktlarla bağlı CM-nin 177-ci (oğurluq) maddəsi ilə cinayət işləri başlanılıb.
Şahidi olduğunuz hadisələri çəkib bizə göndərin!
Son Əlavə