Median.Az xəbər verir ki, DIN Baş Narkotiklərlə Mübarizə İdarəsinin əməkdaşları keçirdikləri əməliyyat tədbiri nəticəsində Balaxanı qəsəbəsi sakini Emin Əliyevi saxlayıblar. Onun üzərinə baxış keçirilərkən 23,631 qram heroin, metadon həbləri, 12,104 qram psixotrop maddə olan metamfetamin və 1 ədəd elektron tərəzi aşkar edilərək, götürülüb.Saxlanılan şəxs ifadəsində bir müddətdir ki, qəsəbədə narkotik maddələrin satışı ilə məşğul olduğunu etiraf edib.
Bundan başqa, daxil olan məlumat əsasında Sabirabad RPŞ-nin əməkdaşları Minbaşı kənd sakini, əvvəllər məhkum olunmuş Əbilzadə Əliyevə məxsus həyətyanı sahədən kultivasiya yolu ilə yetişdirilmiş 13 ədəd çətənə kolu, 202,5 qram marixuana və 15 qram heroin aşkar edİblər, Ağdam RPŞ əməkdaşlarının keçirdikləri əməliyyat tədbirləri ilə Quzanlı qəsəbə sakini, əvvəllər məhkum olunmuş Natiq Nadirova məxsus həyətyanı sahədən kultivasiya yolu ilə yetişdirilmiş 122 ədəd çətənə kolu götürülüb, Balakən RPŞ-nin əməkdaşları Tülü kənd sakini İsmayıl Murtuzəliyev tərəfindən kənd ərazisində kultivasiya yolu ilə yetişdirilmiş 60 ədəd çətənə kolunu aşkar ediblər.
Faktlarla bağlı cinayət işləri başlanılıb.
Şahidi olduğunuz hadisələri çəkib bizə göndərin!
Son Əlavə