Xalq artisti məmurla dalaşdı, vəzifəsindən getdi

Fikrət Əmirov adına Gəncə Dövlət Filarmoniyasının direktoru, Xalq artisti Samir Cəfərov tutduğu vəzifədən istefa verib.

Median.Az ölkə.az-a istinadən xəbər verir ki, sənətçinin bu qərarına səbəb şəhərin rəhbər şəxslərindən biriylə münasibətlərinin gərginləşməsi olub.

İddia olunur ki, Cəfərov şəhərin idarə və müəssisələrində filarmoniyada təşkil edilən konsertlərə məcburi bilet satılmasına etiraz etdiyi üçün sözügedən məmurla mübahisə edib. Məhz bu hadisədən sonra Xalq artisti vəzifəsindən istefa verib.