Leyla Əliyevanın təşəbbüsü ilə Moskvada uşaqlar üçün qanvermə aksiyası keçirilib » Median.Az - Bütün xəbərlər bir ünvanda
15:30 Gələn həftə bəzi yerlərdə yağış yağacaq, şimşək çaxacaq - XƏBƏRDARLIQ  |     14:27 Bəzi yerlərdə şimşək çaxıb, leysan yağıb - FAKTİKİ HAVA  |     14:13 MN-dəki mənimsəmə ilə bağlı məhkəmə: "Nəcməddin Sadıkovun göstərişi ilə 800 min manat verilib"  |     14:02 Küləkli hava ilə bağlı sarı XƏBƏRDARLIQ  |     13:53 ABŞ fələstinliləri Liviyaya köçürməyi planlaşdırır  |     13:40 İsrail Qəzzada yeni miqyaslı hücuma başlayıb  |     13:17 Baş Prokurorluq və DİN Gəncədə məktəblinin ölümü ilə bağlı birgə məlumat yayıb  |     23:03 Sumqayıtda 48 yaşlı qadın dəm qazından ölüb  |     22:42 “Dedim, qoy məni elə öldü bilsinlər” - 9 ay sonra tapılan Kənan  |     22:32 "Son zəng" geyimi ilə bağlı məktəbələrə təlimat verildi  |     22:20 Hakerlər kriptovalyuta nəhəngindən 20 milyon dollar fidyə tələb etdi  |     22:13 Naxçıvanda əhalinin sayı 1 ildə 2 min 204 nəfər artıb  |     22:05 İşə qəbul zamanı bu 6 ifadəni işlətmək olmaz - Rekruiterdən vacib məsləhətlər  |     22:00 Saxta Twitter işçisinin Harvard süni intellekt startapının təsisçisi olduğu ortaya çıxıb  |     21:51 Bu institut xidməti maşın alır - 1-i 185 min manata  |     21:46 Pulsuz fayl çevricilər kibertəhlükə riski daşıya bilər  |     21:39 Azərbaycana ət məhsullarının gətirilməsinə qadağa qoyuldu - Bu ölkələrdən  |     21:32 Suriya Rusiyada əskinasların çapını dayandırır  |     21:27 Riyaziyyatın sərhədləri aşılır: 200 illik problem nəhayət həll olunurmu?  |     21:16 Bank kartlarından oğurlanan pullara görə istintaq təxirəsalınmadan aparılacaq  |    

Leyla Əliyevanın təşəbbüsü ilə Moskvada uşaqlar üçün qanvermə aksiyası keçirilib

Heydər Əliyev Fondunun vitse-prezidenti Leyla Əliyevanın təşəbbüsü ilə Moskvada uşaqlar üçün donor qanvermə aksiyası keçirilib.

Median.Az
AZƏRTAC-a istinadən xəbər verir ki, Heydər Əliyev Fondunun vitse-prezidenti Leyla Əliyevanın təşəbbüsü ilə aprelin 5-də Moskvada Dmitri Roqaçov adına Uşaq Hematologiyası, Onkologiya və İmmunologiya Milli Tibbi Tədqiqat Mərkəzində (UHOİ MTTM) uşaqlar üçün “Qanın milləti yoxdur” devizi altında donor qanvermə aksiyası keçirilib.

Aksiyada 40-dan çox azərbaycanlı tələbə iştirak edib.

Rusiyanın Azərbaycanlı Gənclər Birliyinin (RAGB) idarə heyətinin üzvü Emin Hacıyev deyib: “Bu gün Uşaq Hematologiyası, Onkologiya və İmmunologiya Milli Tibbi Tədqiqat Mərkəzində Leyla Əliyevanın təşəbbüsü ilə xeyriyyə aksiyası keçirilib.

RAGB tərəfindən təşkil olunmuş aksiyada Moskvada təhsil alan və yaşayan azərbaycanlı tələbələr və gənclər iştirak ediblər.

Əlbəttə, bizim hamımızın istəyimiz budur ki, balaca uşaqlar heç vaxt onkoloji xəstəliklərə tutulmasınlar. Lakin Rusiyada 6 mindən çox uşaq bu xəstəlikdən əziyyət çəkir. Ümidvarıq ki, biz bu cür aksiyalar keçirməklə həmin uşaqların xəstəliyə üstün gəlməsinə bir qədər kömək edəcəyik”.

E.Hacıyev vurğulayıb ki, qan verilməsinə görə donorlara ödənilən kompensasiya xəstəxananın hesabına köçürüləcək.

Aksiyada iştirak etmiş donorlardan biri – Rusiya Federasiyası Müdafiə Nazirliyinin Hərbi Universitetinin tələbəsi kursant Xaliq Hüseynov deyib:

“Çox şadam ki, bu aksiyada donor kimi iştirak edirəm və hamını bizə qoşulmağa çağırıram. Bu gün verdiyimiz qanın hər damlası gələcək nəslə töhfədir”.

Xatırladaq ki, “Qanın milləti yoxdur” adlı donor aksiyası artıq 10 ildən çoxdur keçirilir. Aksiya təkcə Moskvada deyil, Rusiya Federasiyasının başqa regionlarında da təşkil edilir. Hər il bu aksiyada gənclərin minlərlə nümayəndəsi iştirak edir, toplanmış vəsait isə xəstə uşaqların müalicəsinə sərf edilir.


скачать dle 11.3




Şahidi olduğunuz hadisələri çəkib bizə göndərin!




            2 313 06.04.18 13:14