Türkiyənin Osmanqazi Universitetində baş vermiş silahlı insidentin təfərrüatı məlum olub.
Median.Az “Deutsche Welle”yə istinadən xəbər verir ki, pedaqoji fakültənin elmi işçisinin açdığı atəş nəticəsində, fakültənin dekan müavini, katibi və iki pedaqoq həlak olub.
Ölənlərdən savayı azı üç nəfərin yaralandığı bildirilir.
Silahlı hücumun motivləri hələ ki, qaranlıq qalır. Ehtimallardan birinə görə, hadisə məişət zəminində baş verib. Digər versiyaya əsasən, silahlı hücumu həyata keçirən şəxsə qarşı FETÖ qruplaşmasına üzv olması ittihamı ilə cinayət işi açılıb və o, bundan hiddətlənib.
Müəllimlərdən biri də bu versiyanı təsdiqləyib. Onun sözlərinə görə, pedoqoji fakültənin əməkdaşı FETÖ əlaqələrində şübhəli bilindiyini öyrəndikdən sonra, haradansa tapança taparaq, fakültə rəhbərliyini gülləbəran edib.
16:47
Türkiyədə, Əskişəhər Osmanqazi Universitetində silahlı insident baş verib.
Median.Az İHA-ya istinadən xəbər verir ki, Əskişəhər Osmanqazi Universitetitinin təhsil fakültəsinə silahlı hücum olub.
Hücum nəticəsində dörd təhsil işçisi dünyasını dəyişib.
Verilən məlumata görə, silahlı insidenti universitetin müəllimi törədib.
Şübhəli şəxs yaxalanıb.
Şahidi olduğunuz hadisələri çəkib bizə göndərin!
Son Əlavə