Bakıda vərəm xəstəsi olan müəllim məktəblilərə dərs keçib

Bakı Şəhər Nəsimi rayon T.Həsənov adına 23 saylı orta məktəbdə vərəm xəstəsi olan müəllim məktəblilərə dərs keçib.

Bu barədə oxu.az-a adının çəkilməsini istəməyən mənbə məlumat verib.

Məlumatda qeyd olunub ki, müəllimin xəstəliyi o, qan öskürəndə bəli olub. İddia olunur ki, müəllim öz xəstəliyini gizlədib.

Bildirilir ki, hazırda həmin şəxs vərəm əleyhinə müəssisədə müalicə edilir. Xəstə müəllimin işlədiyi məktəbdə həm Ağciyər Xəstəlikləri İnstitutu, həm 1 saylı Vərəm Əleyhinə Dispanser, həm də Nəsimi rayon Gigiyena və Epidemiologiya Mərkəzi tərəfindən lazım olan tədbirlər həyata keçirilir.

Məktəbdə şagirdlərin və müəllimlərin müayinəsi aparılır. Müayinələr təxminən bir həftə ərzində başa çatacaq.

Vərəm xəstəsi olan müəllimin şagirdlərə dərs keçməsi digər valideynləri də narahat edib. Onlar sosial şəbəkələrdə müzakirə apararaq məsələnin həllini tapmağa çalışıblar.

Məsələ ilə bağlı Bakı şəhər Təhsil İdarəsində bildiriblər ki, hadisə ilə bağlı araşdırma aparılır. Yaxın zamanlarda ətraflı məlumat veriləcək.скачать dle 11.3

Şahidi olduğunuz hadisələri çəkib bizə göndərin!