Şəhərdə ümumi istifadədə olan nəqliyyat vasitələri üçün xüsusi hərəkət zolaqları şəbəkəsinin genişləndirilməsi istiqamətində tədbirlər davam etdirilir.

Metro xətlərinin ayrılması layihəsi çərçivəsində artan sərnişin tələbatı nəzərə alınaraq Şıxəli Qurbanov küçəsində avtobuslar üçün xüsusi hərəkət zolağı təşkil edilib.

Yeni zolaq Füzuli və Zivərbəy Əhmədbəyov küçələrində mövcud olan avtobus zolaqları ilə əlaqələndirilib.

Xüsusi hərəkət zolağının yaradılmasında məqsəd avtobusların, xüsusilə ekspres marşrutların daha rahat və maneəsiz hərəkətini təmin etmək, intervalları azaltmaq və sərnişindaşımanın səmərəliliyini artırmaqdır.