Almatıda Azərbaycan Bazar günü məktəbi fəaliyyətə başlayıb
Almatıda Azərbaycan və qazax dillərinin tədris olunacağı Azərbaycan Bazar günü məktəbinin rəsmi açılış mərasimi keçirilib.
Median.Az "AZƏRTAC”a istinadən xəbər verir ki, məktəb Azərbaycanın Qazaxıstandakı səfirliyinin təşəbbüsü, Diasporla İş üzrə Dövlət Komitəsinin, Almatıdakı Azərbaycan etnomədəni ictimai birliklərinin və Qazaxıstanda yaşayan soydaşlarımızın dəstəyi ilə yaradılıb.
Açılış mərasimi Azərbaycan və Qazaxıstanın Dövlət himnlərinin səsləndirilməsi ilə başlayıb.
Azərbaycanın Qazaxıstandakı səfirliyinin Almatı şəhərindəki nümayəndəliyinin rəhbəri Vüsal Əliyev ölkə hüdudlarından kənarda yaşayan azərbaycanlılar arasında ana dilinin və milli mədəniyyətin qorunub saxlanmasının vacibliyini vurğulayıb.
O, Prezident İlham Əliyevin Şuşada keçirilən Dünya Azərbaycanlılarının V Qurultayında xaricdə yaşayan soydaşlarımız qarşısında müəyyən etdiyi hədəflərə diqqət çəkərək, ikinci və üçüncü nəsil soydaşlarımızın öz ana dilinə və mədəniyyətinə mükəmməl sahib çıxmasının vacibliyini qeyd edib.
Onun sözlərinə görə, Bazar günü məktəbinin açılması iki ölkənin xalqları arasında əlaqələrin daha da möhkəmləndirilməsi baxımından xüsusi rəmzi əhəmiyyət daşıyır.
"Biz sadəcə tədris platforması deyil, Azərbaycan və Qazaxıstan arasında daha bir körpü qururuq. Əminəm ki, Bazar günü məktəbi təkcə tədris üçün deyil, həm də ünsiyyət, mədəni mübadilə, yeni tanışlıqlar və birgə təşəbbüslər üçün bir məkana çevriləcək”, - deyə Vüsal Əliyev bildirib.
Mərasimdə çıxış edən Azərbaycan etnomədəni ictimai birliklərinin və diasporun nümayəndələri Azərbaycan dövlətinin ölkə hüdudlarından kənarda yaşayan soydaşlarımıza göstərdiyi diqqət və dəstəyi qeyd ediblər.
Bazar günü məktəbində uşaqlar və gənclər, həmçinin Azərbaycanın tarixini, ədəbiyyatını, coğrafiyasını, mədəniyyətini və incəsənətini öyrənəcək, Azərbaycan-Qazaxıstan dostluq və qardaşlıq münasibətlərinin tarixi, xalqlarımızı birləşdirən ortaq tarixi-mədəni irs, milli-mənəvi dəyərlər, dillərimizin və adət-ənənələrimizin yaxınlığı barədə biliklər əldə edəcəklər.
Qazaxıstanın digər şəhərlərindən də dərslərdə iştirak etmək istəyənlərin olması nəzərə alınaraq, tədris həm əyani, həm də onlayn formatda təşkil ediləcək.
Bazar günü məktəbi təkcə Qazaxıstanda yaşayan etnik azərbaycanlılar üçün deyil, Azərbaycan dilini, tarixini və mədəniyyətini öyrənmək istəyən digər Qazaxıstan vətəndaşları üçün də nəzərdə tutulub.
Dərslər həftənin bazar günləri, tam ödənişsiz əsasda keçiriləcək.
Açılış mərasimindən sonra ilk zəng çalınıb və birinci dərs başlayıb.
Median.Az "AZƏRTAC”a istinadən xəbər verir ki, məktəb Azərbaycanın Qazaxıstandakı səfirliyinin təşəbbüsü, Diasporla İş üzrə Dövlət Komitəsinin, Almatıdakı Azərbaycan etnomədəni ictimai birliklərinin və Qazaxıstanda yaşayan soydaşlarımızın dəstəyi ilə yaradılıb.
Açılış mərasimi Azərbaycan və Qazaxıstanın Dövlət himnlərinin səsləndirilməsi ilə başlayıb.
Azərbaycanın Qazaxıstandakı səfirliyinin Almatı şəhərindəki nümayəndəliyinin rəhbəri Vüsal Əliyev ölkə hüdudlarından kənarda yaşayan azərbaycanlılar arasında ana dilinin və milli mədəniyyətin qorunub saxlanmasının vacibliyini vurğulayıb.
O, Prezident İlham Əliyevin Şuşada keçirilən Dünya Azərbaycanlılarının V Qurultayında xaricdə yaşayan soydaşlarımız qarşısında müəyyən etdiyi hədəflərə diqqət çəkərək, ikinci və üçüncü nəsil soydaşlarımızın öz ana dilinə və mədəniyyətinə mükəmməl sahib çıxmasının vacibliyini qeyd edib.
Onun sözlərinə görə, Bazar günü məktəbinin açılması iki ölkənin xalqları arasında əlaqələrin daha da möhkəmləndirilməsi baxımından xüsusi rəmzi əhəmiyyət daşıyır.
"Biz sadəcə tədris platforması deyil, Azərbaycan və Qazaxıstan arasında daha bir körpü qururuq. Əminəm ki, Bazar günü məktəbi təkcə tədris üçün deyil, həm də ünsiyyət, mədəni mübadilə, yeni tanışlıqlar və birgə təşəbbüslər üçün bir məkana çevriləcək”, - deyə Vüsal Əliyev bildirib.
Mərasimdə çıxış edən Azərbaycan etnomədəni ictimai birliklərinin və diasporun nümayəndələri Azərbaycan dövlətinin ölkə hüdudlarından kənarda yaşayan soydaşlarımıza göstərdiyi diqqət və dəstəyi qeyd ediblər.
Bazar günü məktəbində uşaqlar və gənclər, həmçinin Azərbaycanın tarixini, ədəbiyyatını, coğrafiyasını, mədəniyyətini və incəsənətini öyrənəcək, Azərbaycan-Qazaxıstan dostluq və qardaşlıq münasibətlərinin tarixi, xalqlarımızı birləşdirən ortaq tarixi-mədəni irs, milli-mənəvi dəyərlər, dillərimizin və adət-ənənələrimizin yaxınlığı barədə biliklər əldə edəcəklər.
Qazaxıstanın digər şəhərlərindən də dərslərdə iştirak etmək istəyənlərin olması nəzərə alınaraq, tədris həm əyani, həm də onlayn formatda təşkil ediləcək.
Bazar günü məktəbi təkcə Qazaxıstanda yaşayan etnik azərbaycanlılar üçün deyil, Azərbaycan dilini, tarixini və mədəniyyətini öyrənmək istəyən digər Qazaxıstan vətəndaşları üçün də nəzərdə tutulub.
Dərslər həftənin bazar günləri, tam ödənişsiz əsasda keçiriləcək.
Açılış mərasimindən sonra ilk zəng çalınıb və birinci dərs başlayıb.
