Deputat: İctimai nəqliyyatda musiqi səsləndirilməsi sərnişinlərin rahatlığını pozmamalıdır
Sosial şəbəkələrdə ictimai nəqliyyatda sərnişinlərin rahatlığı ilə bağlı yeni görüntülər yayılıb. Paylaşılan videoda 67 nömrəli marşrut avtobusunun sürücüsünün hərəkət zamanı salonda meyxana səsləndirdiyi görünür. Görüntülər sərnişinlərin ictimai nəqliyyatda musiqi səsləndirilməsi ilə bağlı narazılığını gündəmə gətirib. Belə hallarda sürücünün sərnişinlərin rahatlığını və ictimai nəqliyyatdan istifadə qaydalarını nəzərə almasının vacibliyi diqqət çəkir.
Bu barədə Milli Məclisin deputatı Aydın Mirzəzadə Median.Az-a şərhində bildirib ki, ictimai nəqliyyatda sürücünün sərnişin salonunda musiqi səsləndirməsi ilə bağlı müəyyən məhdudiyyətlər var:
“Əgər bu məsələ ilə bağlı konkret qadağa nəzərdə tutulmayıbsa belə, sürücü nəzərə almalıdır ki, ictimai nəqliyyatdan istifadə edən sərnişinlərin rahatlığı və təhlükəsizliyi təmin olunmalıdır. İnsanlar gün ərzində işdən, dərsdən və digər fəaliyyətlərdən sonra nəqliyyatda sakit və rahat şəkildə hərəkət etmək istəyirlər. Bu baxımdan sürücünün şəxsi istəyinə uyğun olaraq salonda yüksək səslə musiqi səsləndirməsi sərnişinlərin narahatlığına səbəb ola bilər. Əgər sürücü müəyyən edilmiş qaydaları pozaraq sərnişin salonunda musiqi səsləndirirsə və bununla bağlı sərnişinlərin narazılığı yaranırsa, məsuliyyət məsələsinə yalnız sürücü səviyyəsində baxılmamalıdır. Hesab edirəm ki, bu halda həmin nəqliyyat vasitəsinin mənsub olduğu şirkətin rəhbərliyi də məsələyə münasibət bildirməli, sürücülərin fəaliyyətinə nəzarəti gücləndirməli və sərnişinlərin rahatlığının təmin olunması üçün müvafiq tədbirlər görməlidir”.
Aysel
Bu barədə Milli Məclisin deputatı Aydın Mirzəzadə Median.Az-a şərhində bildirib ki, ictimai nəqliyyatda sürücünün sərnişin salonunda musiqi səsləndirməsi ilə bağlı müəyyən məhdudiyyətlər var:
“Əgər bu məsələ ilə bağlı konkret qadağa nəzərdə tutulmayıbsa belə, sürücü nəzərə almalıdır ki, ictimai nəqliyyatdan istifadə edən sərnişinlərin rahatlığı və təhlükəsizliyi təmin olunmalıdır. İnsanlar gün ərzində işdən, dərsdən və digər fəaliyyətlərdən sonra nəqliyyatda sakit və rahat şəkildə hərəkət etmək istəyirlər. Bu baxımdan sürücünün şəxsi istəyinə uyğun olaraq salonda yüksək səslə musiqi səsləndirməsi sərnişinlərin narahatlığına səbəb ola bilər. Əgər sürücü müəyyən edilmiş qaydaları pozaraq sərnişin salonunda musiqi səsləndirirsə və bununla bağlı sərnişinlərin narazılığı yaranırsa, məsuliyyət məsələsinə yalnız sürücü səviyyəsində baxılmamalıdır. Hesab edirəm ki, bu halda həmin nəqliyyat vasitəsinin mənsub olduğu şirkətin rəhbərliyi də məsələyə münasibət bildirməli, sürücülərin fəaliyyətinə nəzarəti gücləndirməli və sərnişinlərin rahatlığının təmin olunması üçün müvafiq tədbirlər görməlidir”.
Aysel
