Naxçıvanda sosial şəəbəkədə əxlaq normalarına zidd qeyri-etik paylaşım edənlər saxlanılıb.

Saxlanılanlardan ikisi Naxçıvan şəhər, digər ikisi isə Şahbuz rayon sakinləridir.

İkisi 23, 25 və 17 yaşlarında olan həmin oğlanlar “Tiktok”da özlərinə məxsus hesablarda ictimai mənəviyyatı təhqir edən videolar paylaşıblar. Ayrı-ayrı vaxtlardakı paylaşımlarda biri soyunmuş halda, biri dostunu əsgər yola salarkən, biri sərxoş, digəri də dağda çobanlıq edərkən nalayiq ifadələr işlədiblər.

Onların hər biri ərazi üzrə polis orqanları tərəfindən saxlanılıb və barələrində İnzibati Xətalar Məcəlləsinin 510.2-ci (internet informasiya ehtiyatında və ya informasiyatelekommunikasiya şəbəkəsində kütləvi nümayiş etdirildiyi halda ictimai mənəviyyatı təhqir edən, cəmiyyətə açıqca hörmətsizlik ifadə edən hərəkətlərin edilməsinə, yəni əxlaqsız ifadələrin səsləndirilməsinə və ya belə məzmun təəssüratı yaradan jestlərin edilməsinə, yaxud insan bədəninin hissələrinin əxlaq normalarına və millimənəvi dəyərlərə zidd formada göstərilməsinə görə) maddəsilə protokol tərtib olunub.

Saxlanılan şəxslərin hər biri törətdiyi əməldən peşman olduğunu bildirib.

Məhkəmənin qərarı ilə onlardan 25 yaşlı şəxs 12 gün müddətinə inzibati qaydada həbs, qalanları isə 500 manat miqdarında cərimə ediliblər.скачать dle 11.3