Çay təzyiqi aşağı salmağa kömək edirmi? - Mütəxəssislərin cavabı
Arterial təzyiqi təbii yollarla tənzimləmək üçün müxtəlif üsullar mövcuddur və qidalanmanın dəyişdirilməsi onlardan biridir.
"Prevention” nəşrinin yazdığına görə, mütəxəssislər çayın ürək-damar sağlamlığına müsbət təsir göstərə biləcəyini, lakin onun əsas müalicə vasitəsi kimi qəbul edilməməli olduğunu bildirirlər.
Kardioloq Çen-Han Çenin sözlərinə görə, düzgün qidalanma arterial təzyiqin tənzimlənməsinə və normal səviyyədə saxlanmasına kömək edən vacib amillərdən biridir.
Çay arterial təzyiqə necə təsir edir?
"BMC Public Health” jurnalında dərc olunmuş araşdırmaya əsasən, müxtəlif növ çayların müntəzəm istehlakı zamanla arterial hipertenziya riskinin azalması ilə əlaqələndirilir. Tədqiqat həmçinin göstərib ki, çay sistolik (yuxarı) arterial təzyiqin azalmasına, bəzi çay növləri isə diastolik (aşağı) arterial təzyiqin də aşağı düşməsinə kömək edə bilər.
"Medicine” jurnalında dərc olunmuş meta-analizdə isə yaşıl çayı müntəzəm içən və ya onun ekstraktını qəbul edən şəxslərdə həm sistolik, həm də diastolik arterial təzyiqin əhəmiyyətli dərəcədə azaldığı qeyd olunur.
Ohayo Dövlət Universitetinin "Wexner Medical Center” tibb mərkəzinin professoru və kardioloqu Raqavendra Baliqanın sözlərinə görə, xüsusilə yaşıl və qara çayın tərkibində polifenollar zəngindir.
O bildirib ki, bu maddələr qan damarlarının daxili qatını təşkil edən endotel hüceyrələrinin fəaliyyətini yaxşılaşdırır, oksidləşdirici stresi azaldır və damarları genişləndirən azot oksidinin sintezini artırır. Nəticədə qan dövranı yaxşılaşır və zaman keçdikcə arterial təzyiqdə mülayim azalma müşahidə oluna bilər.
Diyetoloq Tara Kollinqvud da qeyd edib ki, bu mexanizmlər uzunmüddətli perspektivdə arterial təzyiqin azalmasına kömək edə bilər.
Mümkün risklər
Mütəxəssislər xəbərdarlıq edirlər ki, arterial təzyiqi tənzimləmək məqsədilə çaydan istifadə etməzdən əvvəl bəzi riskləri də nəzərə almaq lazımdır.
Çayın tərkibindəki kofein qısa müddət ərzində arterial təzyiqi yüksəldə bilər. Bundan başqa, bəzi dərmanlarla qarşılıqlı təsir riski də mövcuddur.
Baliqanın sözlərinə görə, yaşıl çay "Varfarin” və beta-blokatorların təsirini dəyişə, həmçinin fol turşusu və dəmirin mənimsənilməsini azalda bilər.
O əlavə edib ki, gündə beş fincandan artıq çay içmək mədə-bağırsaq problemləri, dəmir çatışmazlığı və yuxusuzluq riskini artıra bilər.
Kollinqvud isə bildirib ki, biyan kökü tərkibli bitki çayları arterial təzyiqi yüksəldə və bəzi dərmanlarla qarşılıqlı təsir göstərə bilər.
Hansı çay daha faydalıdır?
Mövcud elmi araşdırmalar göstərir ki, yaşıl çay arterial təzyiqin tənzimlənməsi baxımından ən çox öyrənilmiş çay növüdür.
"Nisbətən daha güclü elmi sübutlar yaşıl çay, ondan sonra isə hibiskus çayı ilə bağlıdır", deyə Baliqa bildirib.
Onun sözlərinə görə, qara çay da arterial təzyiqə müəyyən dərəcədə müsbət təsir göstərə bilər.
Diyetoloq Keri Qans isə əlavə edib ki, şəkərsiz hazırlanan istənilən çay sağlam qidalanmanın tərkib hissəsi kimi ürək-damar sağlamlığını dəstəkləyə və dolayı yolla arterial təzyiqə müsbət təsir göstərə bilər.
//qaynar.az
"Prevention” nəşrinin yazdığına görə, mütəxəssislər çayın ürək-damar sağlamlığına müsbət təsir göstərə biləcəyini, lakin onun əsas müalicə vasitəsi kimi qəbul edilməməli olduğunu bildirirlər.
Kardioloq Çen-Han Çenin sözlərinə görə, düzgün qidalanma arterial təzyiqin tənzimlənməsinə və normal səviyyədə saxlanmasına kömək edən vacib amillərdən biridir.
Çay arterial təzyiqə necə təsir edir?
"BMC Public Health” jurnalında dərc olunmuş araşdırmaya əsasən, müxtəlif növ çayların müntəzəm istehlakı zamanla arterial hipertenziya riskinin azalması ilə əlaqələndirilir. Tədqiqat həmçinin göstərib ki, çay sistolik (yuxarı) arterial təzyiqin azalmasına, bəzi çay növləri isə diastolik (aşağı) arterial təzyiqin də aşağı düşməsinə kömək edə bilər.
"Medicine” jurnalında dərc olunmuş meta-analizdə isə yaşıl çayı müntəzəm içən və ya onun ekstraktını qəbul edən şəxslərdə həm sistolik, həm də diastolik arterial təzyiqin əhəmiyyətli dərəcədə azaldığı qeyd olunur.
Ohayo Dövlət Universitetinin "Wexner Medical Center” tibb mərkəzinin professoru və kardioloqu Raqavendra Baliqanın sözlərinə görə, xüsusilə yaşıl və qara çayın tərkibində polifenollar zəngindir.
O bildirib ki, bu maddələr qan damarlarının daxili qatını təşkil edən endotel hüceyrələrinin fəaliyyətini yaxşılaşdırır, oksidləşdirici stresi azaldır və damarları genişləndirən azot oksidinin sintezini artırır. Nəticədə qan dövranı yaxşılaşır və zaman keçdikcə arterial təzyiqdə mülayim azalma müşahidə oluna bilər.
Diyetoloq Tara Kollinqvud da qeyd edib ki, bu mexanizmlər uzunmüddətli perspektivdə arterial təzyiqin azalmasına kömək edə bilər.
Mümkün risklər
Mütəxəssislər xəbərdarlıq edirlər ki, arterial təzyiqi tənzimləmək məqsədilə çaydan istifadə etməzdən əvvəl bəzi riskləri də nəzərə almaq lazımdır.
Çayın tərkibindəki kofein qısa müddət ərzində arterial təzyiqi yüksəldə bilər. Bundan başqa, bəzi dərmanlarla qarşılıqlı təsir riski də mövcuddur.
Baliqanın sözlərinə görə, yaşıl çay "Varfarin” və beta-blokatorların təsirini dəyişə, həmçinin fol turşusu və dəmirin mənimsənilməsini azalda bilər.
O əlavə edib ki, gündə beş fincandan artıq çay içmək mədə-bağırsaq problemləri, dəmir çatışmazlığı və yuxusuzluq riskini artıra bilər.
Kollinqvud isə bildirib ki, biyan kökü tərkibli bitki çayları arterial təzyiqi yüksəldə və bəzi dərmanlarla qarşılıqlı təsir göstərə bilər.
Hansı çay daha faydalıdır?
Mövcud elmi araşdırmalar göstərir ki, yaşıl çay arterial təzyiqin tənzimlənməsi baxımından ən çox öyrənilmiş çay növüdür.
"Nisbətən daha güclü elmi sübutlar yaşıl çay, ondan sonra isə hibiskus çayı ilə bağlıdır", deyə Baliqa bildirib.
Onun sözlərinə görə, qara çay da arterial təzyiqə müəyyən dərəcədə müsbət təsir göstərə bilər.
Diyetoloq Keri Qans isə əlavə edib ki, şəkərsiz hazırlanan istənilən çay sağlam qidalanmanın tərkib hissəsi kimi ürək-damar sağlamlığını dəstəkləyə və dolayı yolla arterial təzyiqə müsbət təsir göstərə bilər.
//qaynar.az
