Sürücülərin NƏZƏRİNƏ: Bakının iki əsas yolunda hərəkət qismən MƏHDUDLAŞDIRILACAQ - FOTO

Paytaxtın iki yol sahəsində asfalt örtüyünün yenilənməsi ilə əlaqədar frezlənmə və asfaltlanma işləri aparılacaq.

Bu barədə Azərbaycan Avtomobil Yolları Dövlət Agentliyi (AAYDA) məlumat yayıb.

Bildirilib ki, Hüseyn Cavid prospekti (Seyfəddin Dağlı küçəsindən Mikayıl Müşfiq küçəsinədək) 30 iyun 2026-cı il, saat 10:00-dan, 03 iyul 2026-cı il, saat 07:00-dək yolun frezlənməsi və yeni asfalt örtüyünün döşənməsi işləri həyata keçiriləcək.

Qeyd olunub ki, Ayna Sultanova küçəsi (Hüseyn Cavid prospektindən Mətbuat prospektinədək) 01 iyul 2026-cı il, saat 08:00-dan 06 iyul 2026-cı il, saat 08:00-dək yolun asfalt örtüyünün yenilənməsi işləri aparılacaq.

Sürücülərdən xahiş olunub ki, qeyd olunan tarixlərdə həmin ərazilərdə hərəkətin qismən məhdudlaşdırılacağını nəzərə alsınlar:

"Mümkün olduqda alternativ marşrutlardan istifadə etsinlər. Müvəqqəti yol nişanlarının və hərəkətin tənzimlənməsini həyata keçirən əməkdaşların göstərişlərinə əməl etsinlər.

Yarana biləcək müvəqqəti narahatlığa görə sürücülərdən və sakinlərdən anlayış göstərmələri xahiş olunur".