Quldurluqda təqsirləndirilən Rauf Salmanzadə və Tural Eyvazovun cinayət işi üzrə məhkəmə prosesi yekunlaşıb.

Bakı Ağır Cinayətlər Məhkəməsinin hakimi Azər Tağıyevin sədrliyi ilə keçirilən prosesdə onlara hökm oxunub.

Hökmə əsasən, Rauf Salmanzadə və Tural Eyvazov 10 il müddətinə azadlıqdan məhrum ediliblər.

Xatırladaq ki, dövlət ittihamçısı Vüsal Mehrəliyev ittiham nitqi ilə çıxış edərək məhkəməyə təqsirləndirilən şəxslərin 12 il müddətinə azadlıqdan məhrum edilməsini təklif etmişdi.

Hər iki şəxsə qarşı Cinayət Məcəlləsinin 181.2.1 (quldurluq - qabaqcadan əlbir olan bir qrup şəxs tərəfindən törədildikdə), 181.2.5-ci (silah və ya silah qismində istifadə edilən əşyalar tətbiq edilməklə törədildikdə) və 235-ci (Narkotik vasitələri, psixotrop maddələri və ya onların prekursorlarını talama və ya hədə-qorxu ilə tələb etmə) maddələri ilə ittiham irəli sürülüb.
//unikal.azскачать dle 11.3