Mojo.az — elanlar
RU
RU
Son Xəbərlər
21:45 Azərbaycanda həkim vəfat etdi | 21:40 Bakıda "Mercedes GL450" sürücüsü sərxoş vəziyyətdə yaxalandı | 21:32 "Azərbaycan Restaurants" audit tələbini yerinə yetirmədi - Cərimə olundu | 21:27 Eşitmə məhdudiyyətli məktəbli müdir otağına girib seyfi boşaltdı - Cəza verildi | 21:19 2026-2027-ci ilin qışında dəbdə olacaq gödəkçələr | 21:13 Aldığı rüşvətləri sədrə çatdırdı, iş alınmayanda şikayət etdi - 58 minlik rüşvət işi | 21:05 Bakıda 280 min manatlıq mənzil dələduzluğu | 21:00 Türkanda qanunsuz karxana işlədən şəxsə hökm oxundu - Elektron qolbaqda gəzəcək | 20:52 Zəncəfil haqqında miflər və həqiqətlər: Əslində nəyə kömək edir, harada isə acizdir? | 20:47 Noyabr ayının pensiyaları ödənildi | 20:39 Çində dünyanın ən uzun asma körpüsü tikildi - Mərkəzi aşırımı 1208 metrdir | 20:33 Hər kəs üçün 8 saat yuxu vacib deyil - Optimal müddət | 20:27 Braziliya Sinqapura 7 qol vurdu | 20:22 Əmək haqqı ödənişləri elektronlaşdırılacaq | 20:14 Kəlbəcərdə 2-ci Milli Radio-Televiziya Yayım Stansiyasının fəaliyyəti bərpa edildi | 20:09 567 nömrəli marşrutun avtobusları yenilənir | 20:01 Bakıda mənzildən meyit tapıldı | 19:56 Mərhum bəstəkarın xanımı Prezidentə təşəkkür etdi | 19:50 Ustanı xüsusi amansızlıqla qətlə yetirən şəxsə ittiham aktı elan edilib | 19:42 Bakıda maşın "Wolt" sürücüsünü vurub öldürdü |
Mojo.az Avto
Mojo.az Avto

Suraxanıda valideynlər övladlarının müəlliminin dəyişdirilməsinə ETİRAZ EDİBLƏR

10.04.2026 18:35 408
Suraxanıda valideynlər övladlarının müəlliminin dəyişdirilməsinə ETİRAZ EDİBLƏR
Bakı şəhərinin Suraxanı rayonunda yerləşən 101 nömrəli Əmi Məmmədov adına orta məktəbdə valideyn narazılığı yaranıb.

Bu barədə Oxu.Az-a şikayət daxil olub.

Valideynin sözlərinə görə, övladı məktəbə başladığı zaman birinci sinfə daimi müəllim təyin olunmayıb. Dərslər başlayan gün, yəni sentyabrın 15-də valideynlər sinfə müqavilə əsasında çalışan müəllimin təyin olunduğunu öyrəniblər.

Şikayətçi qeyd edir ki, valideynlər həmin müəllimdən razı qalıblar və onun daimi əsaslarla məktəbdə saxlanılması üçün direktorun adına ərizə ilə müraciət ediblər. Lakin məktəb rəhbərliyi bu məsələnin onların səlahiyyətində olmadığını, müəllimin imtahan nəticələrinin aşağı olduğunu və daha yüksək bal toplayan müəllimlərin olduğunu əsas gətirib.

Valideyn iddia edir ki, məktəbdə eyni statusla - müqavilə əsasında çalışan başqa müəllimlərin daimi işə qəbul edilməsi halları mövcuddur.

"Bizim uşaqların müəllimini saxlaya bilmirlər, amma digərini saxlayırlar. Bu, suallar yaradır. Uşaqların təhsili və psixologiyası ilə oynayırlar", - deyə şikayətdə bildirilir.

Oxu.Az-ın sorğusuna cavab olaraq Bakı Şəhəri üzrə Təhsil İdarəsindən bildirilib ki, ümumi təhsil müəssisələrinə müddətsiz müqavilə ilə ixtisaslı müəllim kadrlarının işə qəbulu mərkəzləşdirilmiş müsabiqə yolu ilə həyata keçirilir.

"Müsabiqə başa çatdıqdan sonra tutulmayan və ya yeni yaranan vakant yerlərə müvafiq keçid balını toplayan namizədlərin müddətli müqavilə ilə işə qəbulu proqram təminatı tətbiq edilməklə mərkəzləşdirilmiş qaydada müsabiqə yolu ilə həyata keçirilir.

Bakı Şəhəri üzrə Təhsil İdarəsi tərəfindən 2025-26-cı tədris ili üçün müəllimlərin işə qəbulu müsabiqəsinin əsas mərhələsi yekunlaşdıqdan sonra tutulmayan və yeni yaranan vakant yerlərə müvafiq rayon (şəhər) üzrə qeydiyyatda olan namizədlərin bal ardıcıllığına əsasən əlavə yerləşdirilməsi prosesi aparılıb. Qeyd olunanlara əsasən, müvafiq vakansiyanın olduğu, müəllimin işə qəbulu üzrə müsabiqə nəticəsi nəzərə alınaraq, Bakı Şəhəri üzrə Təhsil İdarəsinin müvafiq məktubu ilə qeyd olunan müəllimin müddətli əmək müqaviləsi əsasında 2025-26-cı dərs ilinin sonunadək 101 nömrəli tam orta ümumtəhsil məktəbinə ibtidai sinif müəllimi vəzifəsinə təyin olunmasına razılıq verilib.

Həmin müəllim elan olunacaq növbəti müsabiqədə iştirak edərək, müvafiq keçid balını toplayacağı təqdirdə müddətsiz əmək müqaviləsi ilə işlə təmin olunma hüququ qazana bilər", deyə məlumatda vurğulanıb.

Son xəbərlər