Sumqayıt şəhəri, Hacı Zeynalabdin qəsəbəsində qətl hadisəsi baş verib.

Oxu.Az-ın əldə etdiyi məlumata görə, martın 6-sı səhər saatlarında Yevlax rayon sakini, 1977-ci il təvəllüdlü İsmayıl Ramazanovun aralarında yaranmış münaqişə zəminində arvadı, 1995-ci il təvəllüdlü Mehriban Ağabalazadəyə bıçaq xəsarətləri yetirdiyi ehtimal edilir.

Nəticədə qadın aldığı xəsarətlərdən hadisə yerində ölüb.

Hadisə yerindən qaçan İ.Ramazanovu polis əməkdaşları tutaraq istintaqa təhvil veriblər.

Faktla bağlı araşdırma aparılır.скачать dle 11.3