Türkiyədə 4,7 bal gücündə zəlzələ baş verib

Türkiyənin Kahramanmaraş vilayətinin Elbistan rayonunda 4,7 bal gücündə zəlzələ baş verib.

APA-nın Türkiyə bürosunun məlumatına görə, zəlzələ yerin 7 km dərinliyində qeydə alınıb.

Dağıntı və tələfat barədə hələlik məlumat yoxdur.

Kahramanmaraş valisi Mükerrem Ünlüer, AFAD əməkdaşlarının ərazilərdə baxış keçirdiyini bildirib.

Vali, zəlzələ ilə bağlı hər hansı neqativ halın yaşanmadığını qeyd edib.