“Google Xəritələr” iOS tətbiqində park yerinin avtomatik qeydə alınmasını təmin edən yeni funksiyanı istifadəyə verib. Yenilik sayəsində istifadəçilər avtomobillərini harada park etdiklərini xatırlamaq məcburiyyətində qalmayacaqlar.
 
Median.Az xəbər verir ki, şirkətin məsul baş məhsul meneceri Rio Akasakanın açıqlamasına görə, yeni funksiya avtomobilin park edildiyi yeri avtomatik olaraq müəyyənləşdirir və bu məlumatı “Google Xəritələr”də saxlayır. Bununla da indiyədək park yerinin əl ilə qeyd olunması zərurəti aradan qalxıb. Qeyd edək ki, park yerinin yadda saxlanması funksiyası” Google Xəritələr”də təxminən on ilə yaxındır mövcud olsa da, əvvəlki dövrdə istifadəçilər bu prosesi manual şəkildə həyata keçirməli idilər.
 
Yeni sistem “iPhone”ların avtomobillə USB, “Bluetooth” və ya “CarPlay” vasitəsilə qoşulduğu hallarda aktivləşir. Bu zaman “Google Xəritələr” avtomobilin park edildiyini avtomatik olaraq anlayır və park yerinin dəqiq mövqeyini qeydə alır. Saxlanılan park yeri məlumatı 48 saat müddətində tətbiqdə görünür. Funksiya, xüsusilə böyük şəhərlərdə və sıx parklanma sahələrində avtomobil sahiblərinin işini xeyli asanlaşdıracaq.скачать dle 11.3