Fransada iki nəfərin MERS virusuna yoluxduğu aşkarlanıb
Fransada Yaxın Şərq Tənəffüs Sindromu koronavirusu (MERS-CoV) ilə bağlı iki yeni yoluxma halı qeydə alınıb. Hər iki yoluxma ölkəyə xaricdən qayıdan şəxslərdə aşkarlanıb. Xəbər ictimaiyyət arasında narahatlıq yaratsa da, mütəxəssislər yeni epidemiya riskinin çox aşağı olduğunu bildirirlər.
Fransa Səhiyyə Nazirliyinin 3 dekabr açıqlamasına əsasən, MERS-CoV virusu eyni səfərdə iştirak etmiş iki nəfərdə təsdiqlənib. Onların hər ikisi Ərəbistan yarımadasına səfərdən qayıtdıqdan sonra simptomlar ortaya çıxıb və müayinə edilib.
Nazirlik xəstələrin xəstəxanaya yerləşdirildiyini və vəziyyətlərinin stabil olduğunu bildirib. Qeyd edilib ki, bütün zəruri tədbirlər – kontaktların müəyyənləşdirilməsi, testlərin aparılması, izolyasiya və simptomlara nəzarət – aktiv şəkildə həyata keçirilir.
Məlumata görə, hələlik Fransada ikinci dərəcəli yoluxma, yəni insandan-insana ötürülmə halı aşkar edilməyib. Səfərdə iştirak etmiş digər şəxslər də müşahidə altına alınıb.
MERS virusu ilk dəfə 2012-ci ildə Səudiyyə Ərəbistanında müəyyən edilib və SARS ailəsinə yaxın olan koronaviruslardan sayılır. O, COVID-19-dan daha ölümcül, lakin daha az yoluxucudur. Virus əsasən heyvanlardan, xüsusilə də dəvələr və yarasalardan insana keçir.
Yaxın Şərq ölkələrində 2012–2015-ci illərdə MERS epidemiyası yüzlərlə insanın ölümünə səbəb olub. 2012-ci ildən 2025-ci ilin noyabrına qədər dünyada 2 640 yoluxma halı qeydə alınıb.
İnsanda MERS-CoV infeksiyası hərarət, öskürək və tənəffüs çətinliyi kimi əlamətlərlə özünü göstərir. İnsandan-insana yoluxma nadir hallarda baş verir, lakin xəstələrlə birbaşa təmas zamanı, tibbi personalın müəyyən tibbi prosedurlar zamanı virusa məruz qalması hallarında və eyni evdə yaşayanlar arasında mümkündür. Virusun inkubasiya müddəti 5–15 gün arasındadır. Fransada son dəfə MERS halları 2013-cü ildə qeydə alınmışdı.
Rəsmi qurumlar hazırda genişmiqyaslı yayılma riskinin çox aşağı olduğunu bildirirlər. Aşkarlanan iki halın hər ikisi eyni səfərlə bağlıdır və ölkə daxilində yoluxma zənciri qeydə alınmayıb.
Səhiyyə Nazirliyi vəziyyətin nəzarət altında olduğunu, bütün profilaktik tədbirlərin görüldüyünü və ictimaiyyət üçün dərhal təhlükə olmadığını vurğulayır.
Fransa Səhiyyə Nazirliyinin 3 dekabr açıqlamasına əsasən, MERS-CoV virusu eyni səfərdə iştirak etmiş iki nəfərdə təsdiqlənib. Onların hər ikisi Ərəbistan yarımadasına səfərdən qayıtdıqdan sonra simptomlar ortaya çıxıb və müayinə edilib.
Nazirlik xəstələrin xəstəxanaya yerləşdirildiyini və vəziyyətlərinin stabil olduğunu bildirib. Qeyd edilib ki, bütün zəruri tədbirlər – kontaktların müəyyənləşdirilməsi, testlərin aparılması, izolyasiya və simptomlara nəzarət – aktiv şəkildə həyata keçirilir.
Məlumata görə, hələlik Fransada ikinci dərəcəli yoluxma, yəni insandan-insana ötürülmə halı aşkar edilməyib. Səfərdə iştirak etmiş digər şəxslər də müşahidə altına alınıb.
MERS virusu ilk dəfə 2012-ci ildə Səudiyyə Ərəbistanında müəyyən edilib və SARS ailəsinə yaxın olan koronaviruslardan sayılır. O, COVID-19-dan daha ölümcül, lakin daha az yoluxucudur. Virus əsasən heyvanlardan, xüsusilə də dəvələr və yarasalardan insana keçir.
Yaxın Şərq ölkələrində 2012–2015-ci illərdə MERS epidemiyası yüzlərlə insanın ölümünə səbəb olub. 2012-ci ildən 2025-ci ilin noyabrına qədər dünyada 2 640 yoluxma halı qeydə alınıb.
İnsanda MERS-CoV infeksiyası hərarət, öskürək və tənəffüs çətinliyi kimi əlamətlərlə özünü göstərir. İnsandan-insana yoluxma nadir hallarda baş verir, lakin xəstələrlə birbaşa təmas zamanı, tibbi personalın müəyyən tibbi prosedurlar zamanı virusa məruz qalması hallarında və eyni evdə yaşayanlar arasında mümkündür. Virusun inkubasiya müddəti 5–15 gün arasındadır. Fransada son dəfə MERS halları 2013-cü ildə qeydə alınmışdı.
Rəsmi qurumlar hazırda genişmiqyaslı yayılma riskinin çox aşağı olduğunu bildirirlər. Aşkarlanan iki halın hər ikisi eyni səfərlə bağlıdır və ölkə daxilində yoluxma zənciri qeydə alınmayıb.
Səhiyyə Nazirliyi vəziyyətin nəzarət altında olduğunu, bütün profilaktik tədbirlərin görüldüyünü və ictimaiyyət üçün dərhal təhlükə olmadığını vurğulayır.
