"Vətəndaş Sazişi Partiyası (VSP) əmindir ki, Ermənistan parlamentinin sədri Alen Simonyan parlamentin yeni tərkibinə daxil olmayacaq, çünki o, adi deputat statusu ilə barışmayacaq. Vaaqn Xaçaturyanın səlahiyyətləri bitəndən sonra və ya o, vaxtından əvvəl istefa verəcəyi təqdirdə Ermənistan prezidenti vəzifəsinə namizəd kimi onun nəzərdən keçirildiyi barədə bir qədər əvvəl söhbətlər dolaşırdı. Belə görünür, artıq bu məsələ müzakirə edilmir: Simonyan Ermənistan baş naziri Nikol Paşinyanın gözündən düşüb və bunun səbəbi müəyyən mənada onun şəxsi həyatından qaynaqlanır. Üstəlik, baş nazirin yeni favoritləri peyda olub".

Bu barədə Ermənistanın "Qraparaq" nəşri yazıb:

"VSP üzvlərinin fikrincə, Alen Simonyan hələ on il öz imtiyazlı statusundan istifadə edə bilər. Əgər növbədənkənar seçki keçirilməsə və o, öz səlahiyyətlərini iyunda başa çatdırsa, qanunamüvafiq olaraq, dövlətin mühafizəsində olacaq. Parlamentin sabiq sədri kimi, hələ on il bütün imtiyazlardan - mühafizəçilərdən, xidməti avtomobildən, mənzildən və digər imkanlardan istifadə edəcək. Partiyada əmindirlər ki, Simonyan bu imtiyazları öhdəlik tələb edən hər hansı bir vəzifədən üstün tutacaq.

Yeri gəlmişkən, Alen Simonyan parlamentin sədri vəzifəsindəki müddətini sonuna qədər işləmiş ilk spiker ola bilər, çünki əvvəlki sədrlər səlahiyyət müddətləri bitmədən vəzifədən gediblər".скачать dle 11.3