Ermənistan hakim partiyası seçkinin nəticələrinə əsasən, koalisiya olmadan Vaqarşapat Ağsaqqallar Şurasını (Eçmiədzində mənəvi mərkəzə malikdir) yaratmaq imkanı əldə edib.

Median.Az-ın "Sputnik Ermənistan"a istinadən xəbərinə görə, Ermənistan Mərkəzi Seçki Komissiyası Vaqarşapat üzrə seçkinin ilkin nəticələrini dərc edib.

Nəticələrə əsasən, hakim Vətəndaş Sazişi Partiyası (VSP) bütün 47 seçki məntəqəsindən səslərin sayılmasından sonra liderlik edir.

Hakim partiya səslərin 48.5%-ni toplayaraq, ağsaqqallar şurasında çoxluq qazanıb və hakimiyyəti təkbaşına formalaşdırmaq imkanı əldə edib. İkinci yerdə 31.9% səslə "Qələbə" bloku (İrəli və Daşnaksütyun partiyaları daxildir) qərarlaşıb, Ana Ermənistan Partiyası (AEP) isə 5.4% səslə üçüncü yeri tutub. Qalan səslər aşağıdakı kimi paylanıb:

Respublika Partiyası - 3.9%;

Vətən Partiyası - 3.8%;

Azad Demokratlar Partiyası - 3.7%;

İrs Partiyası - 1.4%;

Ümumerməni Cəbhəsi - 0.9%.

132 bülleten etibarsız qəbul edilib.

İlkin hesablamalara görə, şuradakı 33 yer aşağıdakı kimi bölüşdürülüb: VSP 19 mandat, "Qələbə" bloku 12 mandat və AEP 2 mandat qazanıb.

Xatırladaq ki, Vaqarşapat İcma Şurasındakı yerlər uğrunda 8 siyasi qüvvə mübarizə aparıb. Altı təşkilat seçkinin gedişatını izləyib və müxtəlif pozuntular qeydə alıb.скачать dle 11.3