Bloqerlər Tural Sadıqlı, Elşad Məmmədov, Qurban Məmmədov və Süleyman Süleymanlının barələrində olan cinayət işi üzrə məhkəmənin növbəti hazırlıq iclası keçirilib.

Bu gün Bakı Ağır Cinayətlər Məhkəməsində keçirilən prosesdə hakim tərkibinin dəyişdiyi elan olunub.

Belə ki, bundan sonra cinayət işinə hakim Vüqar Quliyev deyil, hakim Hüseyn Hüseynli sədrlik edəcək. Proses qapalı keçirilib.

Cinayət işi məhkəmə baxışına verilib və baxış iclası noyabrın 21-nə təyin edilib.

Qeyd edək ki, təqsirləndirilən şəxslər Cinayət Məcəlləsinin 178.3.1-ci (dələduzluq - mütəşəkkil dəstə tərəfindən törədildikdə), 214-2,-ci (terrorçuluğa açıq çağırışlar), 220.2-ci (kütləvi iğtişaş - hakimiyyət nümayəndəsinin qanuni tələblərinə fəal şəkildə tabe olmamağa və kütləvi iğtişaşlara, habelə vətəndaşlara qarşı zorakılıq etməyə çağırışlar etmə), 281.2-ci (silahlı qiyam - eyni əməllər təkrar və ya bir qrup şəxs tərəfindən törədildikdə), 320.1-ci (rəsmi sənədi saxtalaşdırma) maddələri ilə ittiham olunurlar. Onlar ölkə xaricində olduqlarına görə barələrində məhkəmə qərarı ilə qiyabi həbs qətimkan tədbiri seçilib.
//oxu.azскачать dle 11.3