ABŞ-nin Texas ştatında yaşayan Marta Lavrinin saz ifa etməsi sosial şəbəkələrdə maraqla qarşılanıb.
O, illər öncə magistratura təhsili almaq üçün Bakıya gələn zaman gədəbəyli ailənin evində yaşayıb. Həmin ailə onun üçün o qədər doğma olub ki, özünü burada tamamilə evində hiss edib.
Marta Azərbaycanca danışmağı və saz ifa etməyi həmin ailə sayəsində öyrənib. Hər yay Gədəbəyə gedərək, həmin ailə ilə birgə dincələn Marta bu bölgə ilə çox bağlı olduğunu bildirib.
O, sazla ilk tanışlığını Gədəbəyin bir toyunda yaşadığını qeyd edib: "Televiziyada aşıqlara baxanda xoşuma gəlirdi. Mən də o cür oxumağı öyrənmək istəyirdim. Amma mənim üçün bir az çətin idi".
Marta, həmçinin, "Bu yerlərdə qalardım" şeirini əzbərləyərək, hər dəfə onu oxuyanda kövrəldiyini, çünki Gədəbəy haqda düşünərək həmin hisləri dərk etdiyini bildirib.
Amerikalı Marta Lavri Azərbaycanda keçirdiyi vaxtın onun həyatında əvəzsiz bir yer tutduğunu və bu mədəniyyətin ona verdiyi təsirləri heç vaxt unutmayacağını deyib.
Ətraflı İTV-nin süjetində:
Şahidi olduğunuz hadisələri çəkib bizə göndərin!
Son Əlavə