Amerikanın "Boeing" korporasiyası 737 MAX-ı əvəz edəcək yeni dar gövdəli təyyarə buraxmaq niyyətindədir.
Valyuta.az xəbər verir ki, bu barədə "The Wall Street Journal" (WSJ) məlumatlı mənbələrə istinadən yazıb.
Qəzet qeyd edir ki, şirkət təhlükəsizlik problemlərinə görə itirilmiş biznesini bərpa etməyə çalışır.
Nəşr qeyd edir ki, 2025-ci ildə "Boeing"in baş direktoru Kelli Ortberq Böyük Britaniyadakı "Rolls-Royce Holdings" nümayəndələri ilə yeni təyyarə üçün mühərriki müzakirə edib. Daha sonra o, mülki aviasiya seqmentinə məhsulun inkişafı üzrə menecer təyin edib, o, əvvəllər yeni tipli təyyarələrin yaradılması üzərində işləyib.
WSJ mənbələri həmçinin "Boeing"in yeni dar gövdəli təyyarə üçün kokpit dizayn etdiyini bildirib. Hazırda təyyarənin inkişafı ilkin mərhələdədir.
Şirkət əməliyyatların bərpası, mövcud kommersiya təyyarələrinin çatdırılması və elan edilmiş təyyarə modellərinin sertifikatlaşdırılması planlarına diqqət yetirdiklərini bildirib.
Şahidi olduğunuz hadisələri çəkib bizə göndərin!
Son Əlavə