Azərbaycan Braziliyadan termiki emal edilmiş ət məhsullarının idxalına icazə verib

Azərbaycan Braziliyadan termiki emal edilmiş ət məhsullarının (quş əti, mal əti, qoyun əti, keçi əti) ixracına icazə verib.

Bu barədə "Report" Braziliyanın Kənd Təsərrüfatı və Heyvandarlıq Nazirliyinə istinadən məlumat verir.

Azərbaycan Qida Təhlükəsizliyi Agentliyi Braziliya tərəfinə müvafiq rəsmi bildirişi kənd təsərrüfatı və heyvandarlıq naziri Karlos Favaro, katiblər Luis Renato Ruoy (Beynəlxalq əlaqələr), Karlos Qulart (Kənd təsərrüfatı mühafizəsi) və onların texniki komandaları ilə aparılan müzakirələr zamanı təqdim edib.

"Termiki emal edilmiş məhsulların istehsalının başlanması ilə Braziliyanın yerli tələblərə və artan istehlakçı tələbatına cavab verən məhsullarla Azərbaycan bazarında mövcudluğunun tədricən bərpası gözlənilir", - məlumatda deyilir.