Azərbaycanın və Mərkəzi Asiya ölkələrinin İslamabaddakı səfirləri Pakistanın dəniz məsələləri üzrə naziri Məhəmməd Cüneyid Ənvər Çaudri ilə müzakirələr aparıblar.
Bu barədə "Report" Türkmənistan mənbələrinə istinadən xəbər verir.
Tərəflər dəniz daşımaları və liman logistikası sahəsində həm ikitərəfli, həm də çoxtərəfli əsasda əməkdaşlığın inkişafı məsələlərini müzakirə ediblər. İştirakçılar bu sahədə qarşılıqlı əlaqələrin genişləndirilməsinin regional bağlantıların və davamlı iqtisadi artımın gücləndirilməsində əsas rol oynadığını vurğulayıblar.
Danışıqların yekunları üzrə tərəflər tərəfdaşlığın daha da gücləndirilməsində qarşılıqlı marağı təsdiqləyiblər. Bununla yanaşı, region ölkələri arasında tranzit və dəniz daşımaları sahəsində əməkdaşlığın genişləndirilməsinin müzakirəsi üçün müntəzəm əlaqələr barədə razılığa gəliblər.
Şahidi olduğunuz hadisələri çəkib bizə göndərin!
Son Əlavə