Azərbaycan UEFA əmsallar cədvəlində 25-ci pilləyə yüksəldi

Azərbaycan UEFA-nın əmsallar cədvəlində daha bir pillə irəliləyib.

Bu, "Qarabağ"ın Çempionlar Liqasının əsas mərhələsində səfərdə Portuqaliyanın "Benfika" klubu üzərində inamlı qələbəsi (3:2) sayəsində mümkün olub.

Bu qələbə Azərbaycanın reytinqinə 0.500 əmsal əlavə edib ki, bu nəticə ilə ölkəmiz əmsal ehtiyatını 21.500-ə çatdırıb və Slovakiyanı geridə qoyaraq 25-ci piləyə yüksəlib.

Qeyd edək ki, hazırda 24-c pillədə qərarlaşan Serbiyanı 22.125 əmsalı var.