UEFA Çempionlar Liqasının final matçının başlama vaxtını dəyişdirib

Bu barədə qurumun prezidenti Aleksander Çeferin bildirib.

2025/2026 mövsümündən etibarən, turnirin həlledici oyunu Mərkəzi Avropa vaxtı ilə saat 18:00-da (Bakı vaxtı ilə 20:00-da) başlayacaq.

Qurum rəhbəri bu qərarın logistika və əməliyyat fəaliyyətlərinin optimallaşdırılması vasitəsilə azarkeşlər, komandalar və ev sahibi şəhərlər üçün ümumi oyun günü təəssüratını yaxşılaşdırmaq, həmçinin bir sıra üstünlüklər təmin etmək məqsədi daşıdığını və oyun günü ailələrin mövsümün ən böyük və vacib klub turnirinin matçlarına asanlıqla qatılmasına imkan verəcək rahat bir atmosfer yaratmaq olduğunu deyib.

Qeyd edək ki, UEFA Çempionlar Liqasının final matçı 2026-cı il mayın 30-da Macarıstanın paytaxtı Budapeştdə keçiriləcək.

//Rpeport