Təhlükəli virus Avropaya yayılır

Qərbi Nil virusu və çikungunya da daxil olmaqla ağcaqanadlarla ötürülən xəstəliklər Avropada arta bilər.

Bu barədə "Euronews" məlumat yayıb.

Qeyd olunub ki, iqlim dəyişikliyi riskləri artırır.

Avropa səhiyyə orqanları xəbərdarlıq edib ki, 2025-ci ilin yayında ağcaqanadlarla yoluxan xəstəliklərin rekord artımı müşahidə oluna bilər. Qərbi Nil virusu və çikungunya ən çox narahatlıq doğurur.

Avropa Xəstəliklərin Qarşısının Alınması və Nəzarəti Mərkəzinin (ECDC) məlumatına görə, Avropada ağcaqanad mövsümü daha uzun və daha intensiv xarakter alır. Bu, orta temperaturun yüksəlməsi, qışın mülayim keçməsi və yağıntıların dəyişməsi - ağcaqanadların çoxalması və daşıdıqları xəstəliklərin yayılması üçün əlverişli şərait yaradan amillərlə bağlıdır.

Səhiyyə və iqlim ekspertləri deyirlər ki, iqlim dəyişikliyi ağcaqanadlarla yoluxan xəstəliklərin Avropada endemik halına gəlməsinə səbəb ola bilər.

Agentlik bildirib ki, 2025-ci ildə Avropada 27 çikungunya epidemiyası qeydə alınıb ki, bu da qitə üçün rekord göstəricidir. Bundan əlavə, Qərbi Nil virusuna 335 yoluxma halı qeydə alınıb ki, bu da son üç ilin ən yüksək səviyyəsidir. Statistikaya həm Avropa İttifaqı, həm də kontinental Avropanın bir sıra digər ölkələri daxildir.
//unikal.azскачать dle 11.3

Şahidi olduğunuz hadisələri çəkib bizə göndərin!