Cəlilabadda çaqqal kəndə HÜCUM ETDİ - Xəsarət alanlar var

Cəlilabad rayonunda yırtıcı heyvan kənd sakinlərinə hücum edib.

Median.Az "Report"a istinadən xəbər verir ki, hadisə rayonun Şatırlı kəndində qeydə alınıb.

Belə ki, çaqqal qəfil bir neçə kənd sakininə hücum edib. Hadisə nəticəsində kəndin üç sakini yaralanıb.

Onlar Cəlilabad Rayon Mərkəzi Xəstəxanasına çatdırılıblar. Yaralılara lazımi tibbi yardım göstərilib. Hazırda onların müalicəsi xəstəxanada davam etdirilir.