Ordubadın beş kəndində qaz təchizatı dayandırılıb

Ordubad rayonunun beş kəndində qaz təchizatının verilişində fasilə yaranıb.

Bu barədə Naxçıvan Qaz İstismar Xidməti məlumat yayıb.

Bildirilib ki, polietilen borunun dəmir boru ilə əvəz edilməsi ilə əlaqədar qaz təchizatı Ordubad rayon Bist, Xurs, Nəsirvaz, Ələhi və Nürgüt kəndlərində 09.08.2025 tarixdə saat 13:00-dan müvəqqəti dayandırılıb. Təmir işləri başa çatdıqdan sonra qaz təchizatı bərpa ediləcək.