“ChatGPT”nin aktiv istifadəçi sayı artıb
“OpenAI”nın yaratdığı süni intellekt platforması “ChatGPT” bu həftə həftəlik aktiv istifadəçi sayısını 700 milyona çatdırmaq üzrədir.
Mart ayında bu göstərici 500 milyon idi ki, bu da cəmi bir neçə ayda 40 faizlik artım deməkdir. Keçən ilin eyni dövrü ilə müqayisədə isə bu rəqəm dörd dəfə artıb.
“OpenAI”nin yüksək rütbəli nümayəndəsi Nik Törlinin paylaşdığı məlumata görə, hər gün milyonlarla fərdi istifadəçi və komandalar “ChatGPT”dən öyrənmək, ideya yaratmaq və mürəkkəb problemləri həll etmək məqsədilə aktiv şəkildə istifadə edir. Xüsusilə məzmun istehsalı, proqram təminatı hazırlanması, təhsil və planlaşdırma sahələrində platformanın populyarlığı sürətlə artır.
Sürətli artım səbəbi kimi isə onlardan biri “GPT-4o” modelinin təqdim etdiyi çoxmodlu istifadə imkanlarının olması göstərilir. İstifadəçilər indi yalnız mətn deyil, həm də səs və görüntü vasitəsilə platforma ilə qarşılıqlı əlaqə qura bilirlər. Bundan əlavə, mobil tətbiqlər vasitəsilə daha əlçatan olan xidmət, həm fərdi, həm də korporativ istifadəçilər üçün nəzərdə tutulmuş “Team” və “Enterprise” paketləri ilə funksional imkanlarını daha da genişləndirib.
“OpenAI” “ChatGPT”ni təkcə fərdi istifadəçilər üçün deyil, həm də qlobal miqyasda rəqəmsal köməkçiyə çevirməyi hədəfləyir. Yeni versiyalar, tətbiq inteqrasiyaları və fərdiləşdirilmiş funksiyalar sayəsində şirkətin yaxın gələcək üçün 1 milyard həftəlik istifadəçi hədəfi artıq real görünür.
Qeyd edək ki, süni intellekt sahəsində növbəti inqilab olaraq qiymətləndirilən “GPT-5” modelinin də bu ay ərzində ictimaiyyətə təqdim olunacağı gözlənilir.
//valyuta.az
Mart ayında bu göstərici 500 milyon idi ki, bu da cəmi bir neçə ayda 40 faizlik artım deməkdir. Keçən ilin eyni dövrü ilə müqayisədə isə bu rəqəm dörd dəfə artıb.
“OpenAI”nin yüksək rütbəli nümayəndəsi Nik Törlinin paylaşdığı məlumata görə, hər gün milyonlarla fərdi istifadəçi və komandalar “ChatGPT”dən öyrənmək, ideya yaratmaq və mürəkkəb problemləri həll etmək məqsədilə aktiv şəkildə istifadə edir. Xüsusilə məzmun istehsalı, proqram təminatı hazırlanması, təhsil və planlaşdırma sahələrində platformanın populyarlığı sürətlə artır.
Sürətli artım səbəbi kimi isə onlardan biri “GPT-4o” modelinin təqdim etdiyi çoxmodlu istifadə imkanlarının olması göstərilir. İstifadəçilər indi yalnız mətn deyil, həm də səs və görüntü vasitəsilə platforma ilə qarşılıqlı əlaqə qura bilirlər. Bundan əlavə, mobil tətbiqlər vasitəsilə daha əlçatan olan xidmət, həm fərdi, həm də korporativ istifadəçilər üçün nəzərdə tutulmuş “Team” və “Enterprise” paketləri ilə funksional imkanlarını daha da genişləndirib.
“OpenAI” “ChatGPT”ni təkcə fərdi istifadəçilər üçün deyil, həm də qlobal miqyasda rəqəmsal köməkçiyə çevirməyi hədəfləyir. Yeni versiyalar, tətbiq inteqrasiyaları və fərdiləşdirilmiş funksiyalar sayəsində şirkətin yaxın gələcək üçün 1 milyard həftəlik istifadəçi hədəfi artıq real görünür.
Qeyd edək ki, süni intellekt sahəsində növbəti inqilab olaraq qiymətləndirilən “GPT-5” modelinin də bu ay ərzində ictimaiyyətə təqdim olunacağı gözlənilir.
//valyuta.az
