Avropada 10 mindən çox hotel “Booking”dən zərərin ödənilməsini tələb edir
Avropada 10 mindən çox hotel “Booking.com” şirkətinin istifadə etdiyi "ən yaxşı qiymət şərtləri"nin səbəb olduğu zərərə görə təzminat almaq məqsədilə bu platformaya qarşı kollektiv iddiaya qoşulur.
Bu barədə DPA agentliyi bildirib.
“Booking.com” "ən yaxşı qiymət şərtləri" ilə hotellərdən öz saytlarında nömrələri daha ucuz təklif etməməyi tələb edirdi.
“Bild”in məlumatına görə, “Booking” Almaniyadakı tərəfdaş hotellərdən ən azı 12 faiz komissiya alır. Populyar bölgələrdə bu rəqəm daha yüksəkdir.
Məsələn, əgər turist “Booking.com”da nömrə üçün 100 avro ödəyirsə, hotel yalnız təxminən 83-87 avro alır.
Hotellər Avropa Məhkəməsinin 19 sentyabr 2024-cü il tarixli qərarına istinad edirlər. Bu qərarda "ən yaxşı qiymət" müddəasının qanunsuz olduğu qeyd edilir.
"Avropada hotel sahibləri uzun müddətdir ki, ədalətsiz şərtlərdən və izafi xərclərdən əziyyət çəkirlər. Birləşməyin və təzminat tələb etməyin vaxtı çatıb", - HOTREC mehmanxana biznes assosiasiyasının prezidenti Aleksandros Vasilikos bildirib.
Kollektiv iddianın məqsədi 2004-2024-cü illərdə dəymiş zərərə görə təzminatın ödənilməsinin təmin edilməsidir.
HOTREC və 30-dan çox milli hotel assosiasiyasının dəstəklədiyi iddiaya Niderland məhkəməsində baxılacaq və bu proses “Hotel Claims Alliance” tərəfindən koordinasiya olunacaq.
Tənqidlərə baxmayaraq, “Booking.com” bir çox hotellər üçün vacibdir, çünki onların daha geniş müştəri bazasına çıxış əldə etməsinə imkan verir.
Araşdırmaya görə, 2023-cü ildə “Booking Holdings” şirkətinin Avropadakı bazar payı 71 faiz olub, birbaşa rezervasiyaların payı isə son illərdə əhəmiyyətli dərəcədə azalıb.
Bu barədə DPA agentliyi bildirib.
“Booking.com” "ən yaxşı qiymət şərtləri" ilə hotellərdən öz saytlarında nömrələri daha ucuz təklif etməməyi tələb edirdi.
“Bild”in məlumatına görə, “Booking” Almaniyadakı tərəfdaş hotellərdən ən azı 12 faiz komissiya alır. Populyar bölgələrdə bu rəqəm daha yüksəkdir.
Məsələn, əgər turist “Booking.com”da nömrə üçün 100 avro ödəyirsə, hotel yalnız təxminən 83-87 avro alır.
Hotellər Avropa Məhkəməsinin 19 sentyabr 2024-cü il tarixli qərarına istinad edirlər. Bu qərarda "ən yaxşı qiymət" müddəasının qanunsuz olduğu qeyd edilir.
"Avropada hotel sahibləri uzun müddətdir ki, ədalətsiz şərtlərdən və izafi xərclərdən əziyyət çəkirlər. Birləşməyin və təzminat tələb etməyin vaxtı çatıb", - HOTREC mehmanxana biznes assosiasiyasının prezidenti Aleksandros Vasilikos bildirib.
Kollektiv iddianın məqsədi 2004-2024-cü illərdə dəymiş zərərə görə təzminatın ödənilməsinin təmin edilməsidir.
HOTREC və 30-dan çox milli hotel assosiasiyasının dəstəklədiyi iddiaya Niderland məhkəməsində baxılacaq və bu proses “Hotel Claims Alliance” tərəfindən koordinasiya olunacaq.
Tənqidlərə baxmayaraq, “Booking.com” bir çox hotellər üçün vacibdir, çünki onların daha geniş müştəri bazasına çıxış əldə etməsinə imkan verir.
Araşdırmaya görə, 2023-cü ildə “Booking Holdings” şirkətinin Avropadakı bazar payı 71 faiz olub, birbaşa rezervasiyaların payı isə son illərdə əhəmiyyətli dərəcədə azalıb.
