PKK terror təşkilatının tərksilah edilməsi prosesinin ən gec sentyabr ayına kimi başa çatdırılması planlaşdırılır.
Bu barədə Türkiyənin "Yeni Şafak" qəzeti məlumat yayıb.
Qeyd olunur ki, tərksilah prosesinə Türkiyənin Milli Kəşfiyyat Təşkilatı nəzarət edəcək.
Kürd yaraqlılarının silahları təhvil verməsinin sonrakı mərhələləri mediada yayımlanmayacaq.
Məlumatda həmçinin qeyd olunur ki, sıravi üzvlərdən fərqli olaraq, təxminən 250 nəfərlik PKK rəhbərliyinin Türkiyə ilə həmsərhəd olan İraq və Suriyada qalmasına icazə verilməyəcək. Onlar üçüncü ölkələrə gedə biləcəklər, lakin kütləvi şəkildə orada yerləşmələrinə icazə verilməyəcək.
Xatırladaq ki, PKK döyüşçülərinin ilk qrupu silahlarını iyulun 11-də təhvil verib.
Şahidi olduğunuz hadisələri çəkib bizə göndərin!
Son Əlavə