ABŞ Ukraynaya bəzi silahların göndərilməsini dayandırmaq qərarına aydınlıq gətirib

"Vaşinqtonun Kiyevə bəzi silah növlərinin tədarükünü dayandırmaq qərarı ABŞ-nin Ukraynaya hərbi yardım göstərməkdən tamamilə imtina etməsi demək deyil".

Median.Az TASS-a istinadən xəbər verir ki, bunu ABŞ Dövlət Departamentinin rəsmi nümayəndəsi Temmi Bryus deyib.

"Biz Ukraynaya silah tədarükünü dayandırmırıq, yalnız bir aspekt dəyişib. Mən vurğulamaq istərdim ki, bu, Ukraynaya yardımın və silah təchizatının dayandırılması demək deyil", - deyə o izah edib.

Qeyd edək ki, bundan əvvəl Pentaqon Ukraynaya hava hücumundan müdafiə raketlərinin və bəzi digər döyüş sursatlarının göndərilməsinin dayandırıldığını elan edib.