"Rusiya Silahlı Qüvvələrinin bütün qoşun növləri və hərbi qollarının döyüş imkanları artırılacaq. Eyni zamanda, ölkənin silahlı qüvvələri suverenliyin təminatçısı kimi inkişaf etdirilməyə davam edəcək".
Median.Az-ın TASS-a istinadla verdiyi məlumata görə, bu barədə Rusiya Prezidenti Vladimir Putin hərbi və güc strukturlarının ali təhsil müəssisələrini bitirən məzunlarla görüşündə bəyan edib.
"Rusiya təhlükəsizliyin gücləndirilməsi üçün adekvat tədbirlər həyata keçirəcək, silahlı qüvvələri daha da inkişaf etdirəcək. Bu kontekstdə briqadaların diviziyalara çevrilməsi nəticəsində dəniz piyadalarının zərbə gücü və döyüş potensialı əhəmiyyətli dərəcədə artacaq", - deyə dövlət başçısı bildirib.
Prezident əlavə edib ki, ölkənin daxili və xarici təhdidlərdən etibarlı müdafiəsi hüquq-mühafizə və xüsusi xidmət orqanlarının dəqiq və səmərəli koordinasiyasını tələb edir.
Şahidi olduğunuz hadisələri çəkib bizə göndərin!
Son Əlavə