Amerikan hərbi-sənaye korporasiyası “Lockheed Martin” yaxın aylarda Tayvana 10 ədəd çoxməqsədli “F-16C/D Block 70/72” qırıcı təyyarəsi göndərəcək.
Bu barədə “Taipei Times” qəzeti adı açıqlanmayan ada müdafiə idarəsinin nümayəndəsinə istinadən bildirib.
Onun məlumatına görə, bu, əvvəllər Taybey tərəfindən sifariş edilmiş 66 təyyarədən ilk partiya olacaq. Qırıcı təyyarələr ABŞ-dən Havay və Quam üzərindən havada yanacaq doldurularaq öz gücü ilə uçacaqlar. Təyyarələr Taydunda yerləşən 7-ci taktiki qırıcı aviasiya qanadına qoşulacaq ki, bu da mənbənin sözlərinə görə, “Tayvan Hərbi Hava Qüvvələrinin ən güclü bölməsi” olacaq.
Bu yeni qırıcı təyyarələr ABŞ-dən Prezident Donald Trampın ilk müddəti zamanı 2019-cu ildə Vaşinqton tərəfindən təsdiqlənmiş adaya silah tədarükü paketi çərçivəsində alınmışdı.
Tayvanın ilk təyyarə partiyasını 2023-cü ildə alacağı gözlənilsə də, bu, baş tutmamışdı.
Şahidi olduğunuz hadisələri çəkib bizə göndərin!
Son Əlavə