Meksikanın şimalında ABŞ-yə çəkilmiş narkotik tuneli tapılıb

Meksika iqtidarı ABŞ ilə sərhəddə yerləşən Tixuana şəhəri yaxınlığında təxminən 600 m uzunluğunda tunel aşkar edib, o, narkotiklərin Amerika ərazisinə daşınması üçün istifadə olunurdu.

Bu barədə Meksikanın İctimai Təhlükəsizlik və Vətəndaşların Müdafiəsi naziri Omar Qarsiya Harfuş sosial şəbəkədə bildirib.

“Tixuanada (Aşağı Kaliforniya ştatı) <...> təxminən 600 metr uzunluğunda tunel aşkar edilib, o, Meksikanı ABŞ ilə birləşdirirdi və narkotiklərin daşınması üçün istifadə olunurdu”, – o yazıb.

Nazir bildirib ki, tunel ictimai təhlükəsizlik, müdafiə nazirlikləri və Hərbi Dəniz Qüvvələri əməkdaşlarının birgə əməliyyatı zamanı, Respublikanın Baş Prokurorluğu və Aşağı Kaliforniya ştatı hakimiyyətinin dəstəyi ilə aşkar edilib.