İsmayıllıda oğul atasını söyüşə görə bıçaqlayıb? - TƏFƏRRÜAT

İsmayıllı rayonunda oğulun atasını bıçaqlamasının təfərrüatı məlum olub.

Hadisə rayonun Talıstan kəndi ərazisində küçədə baş verib. Kənd sakini, 1968-ci il təvəllüdlü Bəhlul Təşkilat oğlu Əzizovun içki düşkünü olduğu deyilir. Məlumata görə, B.Əzizov hər gün içərək küçədə nalayiq hərəkətlər edir, kənd sakinlərini təhqir edirmiş. Sakinlər bu barədə onun oğluna dəfələrlə məlumat versələr də, B.Əzizov hərəkətlərinə son qoymayıb.

Dünən axşam saatlarında B.Əzizov yenə içkili vəziyyətdə kənd sakinləri ilə yersiz mübahisə edib. Sakinlər bu barədə yenidən onun oğluna məlumat veriblər. Atasının hərəkətlərindən bezən 1994-cü il təvəllüdlü Kənan Əzizov hadisə yerinə gələrək atasını evə aparmaq istəyib. Həmin vaxt ata oğlunu da küçə söyüşləri ilə təhqir edib. K.Əzizov özü ilə götürdüyü bıçaqla atasına qarın boşluğu və boğazından xəsarət yetirib.

* * * * *

İsmayıllı rayonunda küçədə bıçaqlanma hadisəsi baş verib.

Oxu.Az-ın məlumatına görə, hadisə rayonun Talıstan kəndində baş verib.

Kənd sakini, 1994-cü il təvəllüdlü Kənan Bəhlul oğlu Əzizov küçədə atası, 1968-ci il təvəllüdlü Bəhlul Təşkilat oğlu Əzizovu bıçaqlayıb. O, atasına qarın və boğaz nahiyəsindən iki zərbə endirib.

Kənd sakinlərinin köməyi ilə yaralı xəstəxanaya yerləşdirilib, əməliyyat olunub.

Keçirilən əməliyyat nəticəsində hadisəni törətməkdə şübhəli bilinən K.Əzizov saxlanılıb.

Faktla bağlı cinayət işi başlanılıb.скачать dle 11.3

Şahidi olduğunuz hadisələri çəkib bizə göndərin!