KİV: İsrailin raket hücumu başlayan kimi Əli Xamenei bunkerə təxliyə olunub

İranın Ali Rəhbəri Əli Xamenei Tehranın şimal-şərqində yerləşən Lavizan rayonundakı bunkerə aparılıb.

Bu barədə "Iran International" İrandakı iki mənbəyə istinadən məlumat yayıb.

Onların sözlərinə görə, bu, iyunun 13-də səhər saatlarında İsrailin zərbələrindən bir neçə saat sonra baş verib. Xameneinin ailəsinin bütün üzvləri onun yanındadır.

Diplomatlardan biri iddia edir ki, Xamenei əməliyyatın elə ilk gecəsində məhv edilə bilərdi, lakin onu İranın uranın zənginləşdirilməsi proqramını dayandırmaq qərarı verməsi üçün sağ saxlayıblar.