İcra başçısının qalmaqallı nümayəndəsi həbs edilib (SƏBƏB) » Median.Az - Bütün xəbərlər bir ünvanda
23:12 ANAMA-nın əməkdaşı və nişanlısı avtomobillə kanala düşdülər  |     22:47 Sahibə Qafarova Bosniya və Herseqovinaya səfərə getdi  |     22:20 Ukraynadan daha bir qrup uşaq Azərbaycana gətirildi  |     22:00 Moskvaya uçan pilotsuz uçuş aparatı məhv edilib  |     21:50 Bitkoinin qiyməti tarixinin ən yüksək həddinə çatıb  |     21:32 Laçında insan skeletinin qalıqları tapıldı  |     21:24 Aİ Azərbaycan və Ermənistan liderlərinin görüşünü alqışlayır və ölkələr arasında normallaşmanı dəstəkləyir  |     21:18 Rusiyada zavodda qəza baş verib, ölən və yaralananlar var  |     21:03 Ermənistanda Sünikdəki yolun üçüncü tərəfə verilməsini mümkün hesab ediblər  |     20:57 "Mançester Yunayted" gənc hücumçu ilə müqavilə imzalayıb  |     20:51 AKİ Milli Qəhrəman Hökumə Əliyeva ilə bağlı çəkdiyi filmi gələn ay təqdim edəcək  |     20:44 Yerdə günün qısalmasının səbəbi açıqlanıb  |     20:38 KİV: UTX polkovniki Kiyevdə güllələnib  |     20:30 Azərbaycan əhalisinin yanacaq xərcləri 6 ayda 8 %-ə yaxın artıb  |     20:25 Sabah Bakıda 36 dərəcə isti olacaq  |     20:16 Azərbaycanda I yarımildə vətəndaşlara geri qaytarılan ƏDV-nin məbləği açıqlanıb  |     20:11 Memarlıqla turizmi birləşdirən yol - ARAŞDIRMA  |     20:02 Türkiyədə daha bir bələdiyyə sədri saxlanılıb  |     19:57 Vyetnam Azərbaycanın Müdafiə Nazirliyinə rəsmi dəvət göndərib  |     19:50 Ərdoğan Kommunikasiya İdarəsinin rəhbərini dəyişib  |    

İcra başçısının qalmaqallı nümayəndəsi həbs edilib (SƏBƏB)

Zərdab Rayon İcra Hakimiyyətinin başçısı Mərdan Camalzadənin Yuxarı Seyidlər kənd inzibati ərazi dairəsi üzrə nümayəndəsi İntizam Məmmədov inzibati qaydada həbs olunub.

Qaynarinfo-nun əldə etdiyi məlumata görə, dövlət məmuru "3 yol” adlanan ərazidə səs-küy salaraq nalayiq ifadələr işlətməsi və polis əməkdaşlarının qanuni tələblərinə tabe olmaması səbəbilə saxlanılıb.

İntizam Məmmədov Zərdab şəhərinin "Bayraq Meydanı" adlanan hissəsində "Renault Megane” markalı avtomobili idarə edərkən təhlükəsizlik kəmərindən istifadə etmədiyinə görə DYP əməkdaşları tərəfindən saxlanılıb. Lakin o, bu haldan əsəbiləşərək yol polislərindən birinə "gəl sənə hörmət edim, çıxım gedim” deyib və nəqliyyat vasitəsi ilə ərazidən uzaqlaşıb.

Daha sonra o, "3 yol” adlanan ərazidə yenidən saxlanılıb və bu zaman yüksək səslə nalayiq ifadələr işlədərək ictimai asayişi pozub. Hətta polis əməkdaşlarını hədələyib.

1961-ci il təvəllüdlü İntizam Məmmədov barəsində İnzibati Xətalar Məcəlləsinin 510-cu (xırda xuliqanlıq) və 535.1-ci (polisin qanuni tələbinə tabe olmama) maddələri ilə protokol tərtib olunub və iş baxılması üçün məhkəməyə göndərilib.

Məhkəmədə ifadə verən İntizam Məmmədov həmin gün əsəbi olduğunu, bank kartının bloklanması səbəbindən gərginlik yaşadığını və bu səbəbdən özünü itirərək hadisəni törətdiyini etiraf edib. O, səhvini başa düşdüyünü bildirib və yaşını, səhhətini və dövlət məmuru statusunu nəzərə alaraq cəzanın yüngülləşdirilməsini xahiş edib.

Lakin məhkəmə onun barəsində 8 sutka inzibati həbs qərarı çıxarıb. Qeyd edək ki, İntizam Məmmədovun həbs müddəti artıq başa çatıb və o, azadlığa buraxılıb.

Əlavə olaraq bildirək ki, İntizam Məmmədov 2018–2021-ci illərdə nümayəndəliyin baş mühasibi Bənövşə Əhmədova ilə qabaqcadan əlbir olaraq vəzifə səlahiyyətlərini aşmaqda və dövlət əmlakını mənimsəməkdə şübhəli bilinib. 2024-cü ilin mart ayında barəsində Cinayət Məcəlləsinin 179.2.1, 179.2.3, 179.2.4 (qulluq mövqeyindən istifadə etməklə, qabaqcadan əlbir olan bir qrup şəxs tərəfindən mənimsəmə) və 309.1-ci (vəzifə səlahiyyətlərini aşma) maddələri ilə cinayət işi açılıb.скачать dle 11.3




Şahidi olduğunuz hadisələri çəkib bizə göndərin!




            195 14.06.25 22:19