Qafqazdakı yeni status-kvo legitimliyə, qanuniliyə və beynəlxalq hüquqa əsaslanır.
Bu barədə Azərbaycan Prezidentinin köməkçisi – Prezident Administrasiyasının xarici siyasət məsələləri şöbəsinin müdiri Hikmət Hacıyev "GLOBSEC 2025” forumunda "Orta Dəhliz: Yeni Geosiyasi və İqtisadi strateji keçid?” mövzusunda keçirilən paneldə danışıb.
O qeyd edib ki, hazırda Cənubi Qafqaz regionunda sülh və sabitlik var:
"Azərbaycan hazırkı sülh və sabitliyi təmin etmək üçün çox iş görüb. Münaqişə və müharibə artıq bitib. Biz sülh gündəliyi üzərində işləyirik. Vacib olan odur ki, Qafqazda yeni status-kvo yaranıb. Bu, legitimlik, qanunilik və beynəlxalq hüquqa əsaslanır. Əvvəlki status-kvo isə təəssüf ki, işğal faktına əsaslanırdı”.
Prezidentin köməkçisi vurğulayıb ki, Azərbaycan artıq regional ölkələr vasitəsilə daha geniş coğrafiya ilə əlaqələr qurub:
"İndi Ermənistan da göstərməlidir ki, onun ərazisindən keçid də iqtisadi cəhətdən səmərəli və cəlbedici ola bilər. Biz hələ də gözləyirik. Amma məsələnin yaxşı tərəfi odur ki, ikitərəfli kanallar vasitəsilə biz Ermənistanla müxtəlif istiqamətlər üzrə işləyirik.
Bu istiqamətlər sülh müqaviləsi, sərhədlərin delimitasiyası və bəzi digər məsələləri əhatə edir. Sülh müqaviləsinin mətn razılaşdırılıb. Lakin hələ də həll olunmamış məsələlərimiz var və onların üzərində işləyirik”.
Şahidi olduğunuz hadisələri çəkib bizə göndərin!
Son Əlavə